Հյուսիսային դպրոց-պարտեզի ղեկավարի ընտրություն
Հարգելի գործընկեր
Կրթահամալիրի կանոնադրությամբ,
ուսումնական հաստատություն մասնաճյուղի ղեկավարի ընտրության և նշանակման կարգով հայտարարվում է մրցույթ կրթահամալիրի Հյուսիսային դպրոց-պարտեզ
ուսումնական հաստատության ղեկավարի թափուր պաշտոնը լրացնելու համար։
Մրցույթին մասնակցելու համար խնդրում ենք մինչև 2026թ. նոյեմբերի 25-ը
դիմել info@mskh.am հասցեով, ներկայացնելով ինքնակենսագրական տեղեկանք, դպրոց-պարտեզի
ղեկավարին ներկայացվող պահանջների վերաբերյալ իր դիտարկումները։
Թեկնածուի ընտրությունը
կատարվում է նախօրոք հայտարարված բաց զրույցի (զրույցների) արդյունքում։ Զրույցը վարում
է կրթահամալիրի տնօրենը։ Զրույցը տևում է մինչև 90 րոպե։ Զրույցին մասնակցում են կրթահամալիրի
աշխատողներ, Հյուսիսային դպրոց-պարտեզի մանկավարժական, ծնողական խորհուրդների անդամներ,
այլ հետաքրքրվածներ։ Զրույցը տեսագրվում է. տեսագրությունը կառավարման խորհրդի բլոգում
պահպանվում է մինչև սահմանված կարգով դպրոց-պարտեզի ղեկավարի թեկնածության հաստատումը
խորհրդի կողմից։ Կրթահամալիրի ուսումնական հաստատությունների մանկավարժական, ծնողական
խորհուրդների, սովորողների խմբերի նախաձեռնությամբ կարող են կազմակերպվել հանդիպումներ
թեկնածուի հետ։
Հյուսիսային դպրոց-պարտեզ ուսումնական հաստատության ղեկավարին ներկայացվող պահանջներ
- ղեկավարը պետք է
ունենա.
1.1. բարձրագույն կրթություն.
1.2. վերջին հինգ տարում «Մխիթար Սեբաստացի» կրթահամալիրում մանկավարժական աշխատանք կատարելու անընդհատ փորձ.
1.3. թվային միջոցներով աշխատելու հմտություններ, այդ թվում՝ արհեստական բանականության գործիքների կիրառման կարողություն.
1.4. իրավական և վարչական փաստաթղթերի հետ աշխատելու հմտություն.
1.5. ներառական կրթության սկզբունքները կարևորելու և դրանք ուսումնական գործընթացում հետևողականորեն կիրառելու համոզվածություն և պատրաստակամություն։ - Պետք է կարողանա.
2.1. կազմակերպել Հյուսիսային դպրոց-պարտեզի ընթացիկ աշխատանքը և ապահովել դրա բնականոն գործունեությունը.
2.2. կազմակերպել և ապահովել դպրոց-պարտեզի կայքի կանոնավոր և անխափան աշխատանքը, անհրաժեշտ տեղեկատվության հրապարակումն ու ժամանակին թարմացումը.
2.3. ղեկավարել դպրոց-պարտեզի մանկավարժական խորհրդի աշխատանքը.
2.4. աջակցել դպրոց-պարտեզի ծնողական խորհրդի աշխատանքին և ապահովել դրա արդյունավետ համագործակցությունը դպրոց-պարտեզի հետ.
2.5. համագործակցել կրթահամալիրի ուսումնական կենտրոնների, արհեստանոցների, արվեստանոցների և լաբորատորիաների հետ՝ առանձնահատուկ ուշադրություն դարձնելով դպրոց-պարտեզի շենքում գործողներին.
2.6. կազմակերպել դպրոց-պարտեզի շենքում գործող կացարանի աշխատանքը.
2.7. կազմել անհրաժեշտ վարչական փաստաթղթեր, այդ թվում՝ հրամաններ, հաշվետվություններ և այլ փաստաթղթեր.
2.8. պաշտպանել դպրոց-պարտեզի և նրա սովորողների իրավունքներն ու օրինական շահերը՝ կրթահամալիրում և կրթահամալիրից դուրս.
2.9. կազմակերպել ուսումնական ճամբարների, այդ թվում՝ ամառային ճամբարի, աշխատանքը.
2.10. ապահովել դպրոց-պարտեզի մանկավարժների, սովորողների և ծնողների միջև արդյունավետ համագործակցությունը.
2.11. կրթահամալիրի կրթական ծրագրերին և արժեքներին համապատասխան՝ նախաձեռնել և իրականացնել դպրոց-պարտեզի զարգացմանն ուղղված ծրագրեր և նախաձեռնություններ։ - Թեկնածուի մասնագիտական
և կառավարչական կարողությունների գնահատման ընթացքում հաշվի են առնվում.
3.1. կրթական միջավայր կազմակերպելու և զարգացնելու փորձը, այդ թվում՝ նաև «Կրթական պարտեզ բնակելի արվարձանում» նախագծով.
3.2. թիմ ղեկավարելու և համագործակցային աշխատանք կազմակերպելու կարողությունը.
3.3. խնդիրներ բացահայտելու, վերլուծելու և դրանց լուծումներ առաջարկելու կարողությունը.
3.4. կրթահամալիրում իրականացվող հեղինակային կրթական ծրագրերի, կազմակերպական մշակույթի և արժեքների իմացությունն ու դրանց զարգացմանը նպաստելու պատրաստակամությունը.
3.5. Հյուսիսային դպրոց-պարտեզի զարգացման վերաբերյալ թեկնածուի ներկայացրած պատկերացումները և առաջարկները։
Հարգանքով՝ կրթահամալիրի տնօրեն Լուսինե Փաշայան։