Հետազոտական աշխատանքների աշխատարան

Մեթոդաբանություն, փորձի ներկայացում և գործնական կիրառում 

Մայիսի 15, ժամը 09։00-ից, վայրը՝ Բաբաջանյան 25,  Ավագ-դպրոց վարժարան

Մասնակցության համար խնդրում ենք լրացնել հայտը

Նպատակը 

• Մասնակիցներին ծանոթացնել վարժարանում հետազոտական աշխատանքների կազմակերպման և իրականացման մեթոդաբանությանը՝ տեսական ներկայացումն ուղեկցելով գործնական կիրառությամբ, փորձի փոխանակմամբ և ոլորտային աշխատարաններում անմիջական աշխատանքի հնարավորությամբ։ 
  

Աշխատարանի բովանդակությունը 

• շրջայց դպրոցում և ծանոթացում հետազոտական աշխատանքների իրականացման կրթական միջավայրին,  
• վարժարանում հետազոտական աշխատանքի կազմակերպման ընթացքի, բովանդակության և կառուցվածքի ներկայացում,  
• հետազոտական աշխատանքների հանրայնացման ձևերի ներկայացում,  
• ոլորտային խմբային գործնական աշխատանք,  
• պանելային քննարկում և փորձի փոխանակում,  
• հետազոտական աշխատանքների պաշտպանության գործընթացի մասնակցային դիտարկում։  

Հանրայնացման բաղադրիչ 

Հետազոտական աշխատանքի կարևոր փուլերից մեկը դրա հանրայնացումն է։ Աշխատարանի ընթացքում կներկայացվեն հանրայնացման հետևյալ հարթակները․ 

• «Դիտանկյուն» ամսագիր՝ որպես հետազոտական աշխատանքների լուսաբանման և հանրային ներկայացման ձև,  
• «Դպիր» ամսագրի ալմանախ-հավելված՝ որպես հետազոտական արդյունքների ամփոփ ներկայացման հարթակ։  

Գործնական բաղադրիչ 

Մասնակիցները կաշխատեն ոլորտային խմբերով՝ ըստ ուսումնական բնագավառների։ 

Աշխատանքային փուլում նախատեսվում է՝ 

• ներկայացնել հետազոտական աշխատանքին ներկայացվող հիմնական պահանջները՝ նպատակ, խնդիրներ, արդիականություն, գրականության ցանկ, մեթոդաբանություն, տեխնիկական ձևաչափ,  
• կոնկրետ կամ առաջարկվող թեմաների օրինակներով մշակել հետազոտական աշխատանքի կառուցվածքային կմախքը,  
• իրականացնել գործնական աշխատանք հետազոտական աշխատանքի լուսաբանման բաղադրիչի շուրջ՝ մեկ աշխատանքի ունկնդրման և վերլուծության միջոցով։

Օրակարգ 

• 09:00-ից մասնակիցների գրանցում
• 09:40–10:50` հետազոտական աշխատանքների իրականացման կարգի և փորձի ներկայացում (Ավագ դպրոցի ղեկավար Մարթա Ասատրյան, դասավանդողներ Սամվել Թամազյան, Արմեն Ոսկանյան, Աշոտ Տիգրանյան, Անահիտ Գրիգորյան և սովորողներ) 
• 11:00–12:30` խմբերն աշխատում են  ըստ առարկայական նախասիրությունների․ գործնական աշխատարաններ 
  
• 12:30–13:30` սուրճի ընդմիջում 
  
• 13:40-14:40` մասնակցություն հետազոտական աշխատանքների պաշտպանության գործընթացին
  
• 14:40-15։00` ամփոփում, մասնակցության վկայագրերի հանձնում 

Համակարգումը՝ Անուշ Ներսիսյանի

Հարցերի դեպքում զանգահարել՝ հեռ․ +374 98 84 53 97