Աշխատանքի ենք հրավիրում բուժքրոջ
Գործատու
ՀՀ Առողջապահության նախարարի 09.04.2013թ. N874-Ա հրամանով սահմանված են նախադպրոցական և հանրակրթական ուսումնական հաստատություններում երեխաների բուժսպասարկման կարգը, դպրոց հաճախող երեխայի բուժսպասարկման ծավալները, նախադպրոցական և հանրակրթական ուսումնական հաստատություններում բուժօգնության կազմակերպման աշխատանքի ծավալը։ Կրթահամալիրի դպրոց-պարտեզում, դպրոցում աշխատող բուժքույրը պետք է կարողանա նաև՝
- կրթահամալիրում սահմանված էլեկտրոնային մատենավարության կարգով անհրաժեշտ փաստաթղթերը վարել էլեկտրոնային եղանակով․
- կազմել ճաշացանկ պարտեզի սաների, երկարացված օրվա սովորողների համար.
- արշավախմբային ճամբարներում, այլ արտակարգ պայմաններում ապահովել առաջին բուժօգնություն, այդ թվում՝ ներմկանային և ներերակային ներարկումներ.
- գնահատել ոտնաթաթերի դիրքը և ներբանները.
- ստացված արդյունքներով ձևավորել խորհրդատվություն ծնողի և երեխայի համար, խնդիրների հայտնաբերման դեպքում տեղեկացնել ծնողներին և ուղեգրել առողջության առաջնային պահպանման օղակ:
Բուժքույրը՝ որպես հեղինակային կրթական ծրագրեր իրականացնող ուսումնական հաստատության աշխատող, պետք է կիրառի, զարգացնի՝
- համակարգչից, ինտերնետից ուսումնական նպատակներով օգտվելու կարողություններ.
- աշխատանքը առողջագետի բլոգով կազմակերպելու կարողություններ.
- սովորողների, դասավանդողների հետ առողջագիտական նախագծերի մշակման, կազմակերպման հմտություններ.
- մասնագիտական զարգացման, ինքնակրթության կարողություններ։
Բուժքրոջ՝ սահմանված կարգով իրականացվող լրացուցիչ աշխատանքը իր աշխատասենյակից, մարդաչափության լաբորատորիայից դուրս՝
- մասնակցություն հայրենագիտական ճամփորդությունների, վերելքի, քայլքի, հեծանվաարշավի նախագծերի․
- մասնակցություն արշավախմբային ճամբարների.
- առաջին բուժօգնության դասընթացի վարում դասավանդողների և սովորողների համար։
Ձեր մասին տեղեկացրեք՝ լրացնելով հայտը:Լրացուցիչ տեղեկությունների համար այցելեք զանգեք 74-72-46: