«Ձմեռ պապ» մրցանակ
Հայտ
«Ձմեռ պապ» մրցանակը «Մխիթար Սեբաստացի» կրթահամալիրում ամենամյա մրցանակ է, որը տրվում է կրթահամալիրի աշխատողին, սովորողին, նախագծային խմբին՝ անցնող տարում իրականացված նախագծերի համար, նոր տարվա նախաձեռնությունների, մեկնարկած նախագծերի համար։
Դասավանդողների համար պարտադիր է «Դպիր» մանկավարժական ամսագրում նախագիծը հոդվածով ներկայացնելը։
Նախագծերին ներկայացվող պահանջներ
- Մանկավարժական նորարարություն
- նոր մոտեցման, գործիքի կիրառում, արդյունքների ներկայացում.
- այլոց առաջավոր փորձի ուսումնասիրություն, ըստ իր հեղինակային ծրագրի փորձարկում, արդյունքների ներկայացում հոդվածով
- Կրթական փոխանակումների նախագծում հետևողականություն՝ որպես հեղինակային ծրագրի տարածում, արդյունքների գրանցում
- Հայրենագիտական ճամփորդության նոր ուղղության փորձարկում՝ կանգառներով, քայքի երթուղիներով, հանդիպումներով, արդյունքների ներկայացում հոդվածով
- Սովորող-սովորեցնող նոր նախագծեր՝ որպես ուսուցման նոր մոդել
- Ծեսով, փառատոնով ուսուցման մոդուլ
- Ուսումնական նախագծերի հետևողական շարք՝ մշակմամբ, արդյունքներով
- Կրթահամալիրային-օրացուցային, դասավանդողի, սովորողի անհատական, ստարտափ նախագծերի մշակում, համակարգում, արդյունքների ներկայացում
- Հեղինակային կրթական ծրագրի զարգացմանն ուղղված նախագծեր։
«Ձմեռ պապ» մրցանակը դեկտեմբեր ամսին տրվում է դասավանդողին, սովորողին 2025 թվականին իրականացրած նախագծերի համար։ Հայտերը քննարկում են մասնախմբերը, մինչև դեկտեմբերի 24-ը Ձմեռ պապին ներկայացնում մրցանակակիրների մասին առաջարկ։
ՀԱՅՏԸ ԼՐԱՑՐՈ՛Ւ ԱՅՍՏԵՂ։
«Ձմեռ պապ» մրցանակը հունվար ամսին տրվում է դասավանդողին, սովորողին՝ հունվարյան ճամբարում իրականացրած ստուգատեսային նախագծերի համար։ Հայտերը քննարկում են ստուգատեսների համակարգողները և մինչև հունվարի 15-ը, 22-ը, 29-ը ներկայացնում «Ձմեռ պապի» գրասենյակ։
ՀԱՅՏԸ ԼՐԱՑՐՈ՛Ւ ԱՅՍՏԵՂ։
Ձմեռ պապին օգնում են «Դպիր» ամսագրի խմբագիրը, մանկավարժության լաբորատորիայի, մանկավարժության կենտրոնի, արհեստակցական կազմակերպության ղեկավարները, «Սեբաստացիներ» կրթական հիմնադրամի, կրթահամալիրի տնօրենները։