«Հարավային» ռադիո # 30
Անահիտ Հարությունյան
«Մխիթար Սեբաստացի» կրթահամալիրում ընթանում է աշնանային 20-րդ ստեղծագործական հավաքը: Հավաքի շրջանակում «Հարավային» ռադիոյի հիմնադիր սովորողները այն փոխանցեցին իրենց կրտսեր ընկերներին: «Հարավային» ռադիոյի 30-րդ թողարկումը պատմում է Հարավային դպրոցի բացօթյա պարապմունքների ստուգատեսի մասին:
«Հարավային» ռադիոյի եթերում նաև պատմել ենք կրթահամալիրի հիմնադիր տնօրեն տիար Բլեյանի հետ ասուլիսի մասին, որին մասնակցում էին «Կինո-ֆոտոյի» ընտրությամբ գործունեության խմբերը:
Ասուլիսի սկզբում տիար Բլեյանը պատմեց կրթահամալիրի ստեղծման պատմության մասին, հետո սովորողների հետ միասին հաշվեցին, թե քանի մուտք ու ելք ունի Հարավային դպրոց-պարտեզը: Կարևորեցինք ազատ միջավայրում սովորելը, բացօթյա պարապմունքները:
Հետո 6-րդ դասարանցիները հարցեր ուղղեցին տիար Բլեյանին: Խոսելով մեդիակրթությունից առաջ իրականացվող կրթական ծրագրերի մասին՝ տիար Բլեյանը նշեց, որ կրթահամալիրը միշտ էլ առանձնացել է իր կրթական ծրագրերով, այն միշտ յուրահատուկ է: Հաղորդակցությունը լիարժեք էր. նախկինում էլ շատ էին գրում նամակներ, կար տպարանը, կրթահամալիրը առաջինն էր, որ սկսեց համակարգիչներով ուսուցումը: Այսօր կրթահամալիրում իրականացվում է մեդիակրթություն, քանի որ ապրում ենք մեդիաաշխարհում, և կարևոր է, որ սովորողները կարողանան այդ լիարժեք կիրառել ուսուցման գործընթացում:
Հաղորդավարներ՝ Սոնա, Արինա, Լիա, Մարիա