2-4 տարեկանների խնամքի և զարգացման խմբում ընդունելության կարգ

Հաստատված է

Կրթահամալիրի տնօրենի 15.09.2023թ․ թիվ 23-1087 հրամանով

Նախադպրոցական կրթության ծրագիրը (այսուհետի՝ ծրագիր) կրթահամալիրում իրականացվող պետական այլընտրանքային՝ հեղինակային կրթական ծրագրի բաղկացուցիչն է։ Ծրագրի 2-4 տարեկանների խմբերը գործում են են Արևելյան, Արևմտյան, Հյուսիսային, Հարավային դպրոց-պարտեզների, Քոլեջի կազմում (այսուհետ՝ դպրոց-պարտեզ)։  

Դպրոց-պարտեզը գործունեության ընթացքում ղեկավարվում է Հայաստանի Հանրապետության օրենսդրությամբ, նախադպրոցական կրթության պետական չափորոշչով, կրթահամալիրի ներքին կարգապահական կանոններով, դպրոց-պարտեզի կանոնադրությամբ, ուսումնական օրացույցով, կրթահամալիրի զարգացման ծրագրով:  2-4 տարեկանների խմբերում ընդգրկվում են, ուսումնական տարվա սկզբում՝ սեպտեմբերին, 2, 3, 4 տարեկան համարվող սաները։  

Խմբերը գործում են սաների տարիքային առանձնահատկություններին համապատասխան խնամքի, զարգացման, ուսուցման համար ստեղծված միջավայրում։ Ծրագրն իր բովանդակությամբ և կազմակերպմամբ ապահովում է սաների զարգացումը՝ նրանց անհատական զարգացման առանձնահատկություններին համապատասխան:

2-5 տարեկանների խնամքի և զարգացման խմբեր

•  Դպրոց-պարտեզ ընդունվում են 2-4 տարեկան երեխաները, որոնց ծնողները ծանոթ են իրականացվող հեղինակային ծրագրին, կնքում են սահմանված պայմանագիրը դպրոց-պարտեզի ղեկավարի հետ:
• Ընդունելությունը կրթահամալիր շուրջտարյա է:
• Խմբում սաների թիվը 25-30 է:
• Դպրոց-պարտեզի ղեկավարը պարտավոր է ծնողներին (օրինական ներկայացուցիչներին) ծանոթացնել կրթահամալիրի ներքին կարգապահական կանոններին, ծրագրի կազմակերպման կարգերին:
• Սաները դպրոց-պարտեզ են ընդունվում խմբերում ազատ տեղերի առկայության դեպքում:
• Ընդունվող երեխան պետք է ունենա ինքնասպասարկման նվազագույն կարողություններ՝ քայլելու, ուտելու, խմելու:
• Ազատ տեղերի առկայության դեպքում ծնողը (օրինական ներկայացուցիչը) կարող է ընտրել խումբը:

Ընդունելության փուլեր

• Ընդունելության ժամանակ պարտադիր է և՛ ծնողի, և՛ երեխայի ներկայությունը (միայն ծնողի ներկայությամբ ընդունելություն չի կազմակերպվում)։ 
• Ծնողին ներկայացվում են ծրագիրը, ծրագրի կազմակերպման պայմանները, երկկողմանի իրավունքները և պարտականությունները  (հավելված)։ 
• Սանն անցնում է ներառման փուլ, որի ժամանակ կարևոր է դաստիարակ-ծնող, տուն-պարտեզ անմիջական կապը
• Անհրաժեշտության դեպքում, բացի դաստիարակից և օգնականից, երեխային դիտարկում են կրթահամալիրի ներառականության, ՏՄԱԿ-ի մասնագետները, ներկայացնում են դիտարկումներ, սանի գնահատման առաջարկ։
• Առողջագետը ծանոթանում է երեխայի առողջական վիճակի մասին տեղեկանքին։ 
• Այս բոլոր փուլերն անցնելուց հետո կնքվում է պայմանագիր:
• Դաստիարակը, օգնականը լրացնում են սանի մասին տեղեկատվական թերթիկ և կցում պայմանագրին:

Ընդունելության ժամանակ տրվող առաջնահերթություն  

Ընդունելության ժամանակ առաջնահերթություն ունեն՝

• կրթահամալիրի աշխատակիցների երեխաները,
  
•  կրթահամալիրի դպրոց-պարտեզում, Միջին, ավագ դպրոցներում, քոլեջում սովորող քույր, եղբայր ունեցողները։
• Կրթահամալիրում ընդունելության կարգը նախատեսում է բացառություններ աշխատակիցների՝ 2 տարին չլրացած երեխանների համար, որոնք սկզբնական շրջանում խմբում լինում է խնամակալի հետ մինչև ժամը 13:30, կամաց-կամաց ներառման փուլը հաղթահարելուց հետո միանում են խմբին լրիվ օրով և առանց խնամակալի:

Ծանոթացում ծրագրին և միջավայրին 

• Դպրոց-պարտեզի ղեկավարը ծնողներին ներկայացնում է ծրագրի, կազմակերպման առանձնահատկությունները։ 
• Կազմակերպվում է շրջայց, որտեղ ներկայացվում է  ծրագրի իրականացման միջավայրը՝ դպրոց-պարտեզում խմբասենյակները, խոհանոցը, բակ-պարտեզը, կրթահամալիրի ուսումնական կենտրոնները,  արհեստանոց-արվեստանոց-լաբորատորիաների ցանցը։ 
  
•  Ծնողները ծրագրի վերաբերյալ հարցեր են ուղղում և ստանում մանրամասն պատասխաններ։  

Անհրաժեշտ փաստաթղթեր 

• Երեխայի ծննդյան վկայականի պատճեն, 
• ծնողի անձնագրի պատճեն, 
• երեխայի սոցիալական ապահովության քարտի պատճեն, 
• երեխայի բժշկական քարտ, 
• լուսանկարներ (սովորաբար՝ 2 լուսանկար): 

Պայմանագրի կնքում 

•  Ներառման փուլից հետո, ծնողի (օրինական ներկայացուցչի) հետ կնքվում է 2-4 տարեկանների խնամքի և զարգացման  պայմանագիր։
  
•  Պայմանագիրը կնքվում և լուծվում է կրթահամալիրում սահմանված կարգով։  

Վճարների կազմակերպում

•  Ծնողները տեղեկացվում են ամսական կամ տարեկան վճարների մասին և կատարում անհրաժեշտ վճարումները՝ ըստ կրթահամալիրի սահմանած կարգի։ 
• Սանի արձակուրդի շրջանում ծնողը վճարում չի անում։ Արձակուրդը տրվում է ծնողի գրավոր հայտով, տարվա մեջ 2 ամիս՝ միանգամից կամ մեկական ամսով։
• Անկախ սանի հաճախումներից՝ պայմանագրով որոշված ամսական վճարումները փոխանցվում են կրթահամալիրի հաշվարկային հաշվին, պայմանագրով նախատեսված կարգով։ Առաջին մուծումը կատարում է պայմանագրի կնքման պահին:

Տարեկան արդյունքների գնահատում

•  Զարգացման բնութագիրը լրացվում է տարին 2 անգամ՝ հունվարին և օգոստոսին` հիմնվելով սանի զարգացման ցուցանիշների վրա։

Հավելված

Ուսումնառության պայմանագով որոշված իրավունքներ և պարտականություններ

Օրինական ներկայացուցիչն իրավունք ունի` 

• ՀՀ օրենսդրությամբ պաշտպանելու սանի շահերն ու իրավունքները, 
  
• անձամբ կամ ծնողական խորհրդի միջոցով ծանոթանալու ծրագրի տարեկան ծախսերի նախահաշվին և դրամական ծախսերի հաշվետվությանը, 
• տեղեկություն ստանալու իր երեխայի ուսումնական գործունեության ընթացքի և արդյունքների մասին (համացանց, այլ միջոցներ), 
• ներկա լինելու, հետևելու, մասնակցելու խմբի  գործունեությանը, 
  
• ակտիվ մասնակցություն  ունենալու ընտանեկան հեռավար-առցանց նախագծերին: 

Օրինական ներկայացուցիչը պարտավոր է` 

•  ծանոթանալ ծրագրի փաթեթներին, մասնակցել ծրագրային քննարկումներին,  ստեղծել ընտանեկան հեռավար-առցանց ուսուցման փաթեթներ,
• մասնակցել ծնողական կրթական-տեղեկատվական հավաքներին, ուսումնական օրացույցով որոշված նախագծերին, տոներին, ծեսերին, ծնողական սեմինարներին, 
• ունենալ և գործածել էլհասցե, մշտապես հետևել կրթահամալիրի, դպրոցի, դաստիարակների բլոգներին, կայքերին, «Պարտեզ» ամսագրի աշխատանքներին,
• սահմանված կարգով սանի բացակայությունների մասին նախապես էլհասցեով տեղեկացնել դաստիարակին կամ գրասենյակի ղեկավարին։ 

Ուսումնական նյութերի ապահովում 

•  Ծնողը պարտավոր է ձեռք բերել բոլոր անհրաժեշտ ուսումնական նյութերը, որոնք պահանջվում են ուսումնական գործընթացի ընթացքում, այդ թվում՝ 
• ուսումնական գործիքներ, ինչպիսիք են գրենական պիտույքները, անհատական արկղիկներ, արհեստի նյութեր և այլն, 
• դասարանական շապիկ-գլխարկ- աշխատանքային և խոհանոցային գոգնոց. Mskh.am տարբերանշանով։ 

Ղեկավարն իրավունք ունի՝ 

•  անհրաժեշտության դեպքում օրինական ներկայացուցչին հրավիրելու դպրոց-պարտեզ, 
• օրինական ներկայացուցչի կողմից պայմանագրային պարտավորությունները չկատարելու դեպքում պայմանագիրը լուծելու: 

Ղեկավարը պարտավոր է՝ 

•  ապահովել պայմանագրով որոշված ծառայությունները՝ սանի լիարժեք խնամքին, զարգացմանը  համապատասխան միջավայրում, 
• ապահովել սանիտարահիգիենիկ պատշաճ պայմաններ, 
• ապահովել սաների շուրջտարյա գործունեությունը համապատասխան ջերմային ռեժիմի պայմաններում, 
• խմբի բլոգի, ծեսերի, ստուգատեսների, ցուցադրությունների միջոցով պարբերաբար ծնողին ներկայացնել սանի` կրթական ծրագրի յուրացման արդյունքները, 
• ապահովել ծրագրի տարեկան ծախսերի նախահաշիվը` գումարի ծախսը և տարեկան հաշվետվությունը ներկայացնելով դպրոցի, խմբի ծնողական խորհուրդներին ի գիտություն, 
• ծնողի ընտրությամբ, սահմանված կարգով, ապահովել սանի զարգացման (ուսուցման) լրացուցիչ ծառայություններ, որոնց համար կնքվում են լրացուցիչ պայմանագրեր, 
• սահմանված կարգով օրինական ներկայացուցչի ցանկությամբ և միջոցներով կազմակերպել սանի տրանսպորտային տեղափոխումը այն դեպքում, եթե տեղափոխումից օգտվում են մեծ քույրը կամ եղբայրը։

Պայմանագրի ժամկետը, փոփոխման և լուծման պայմանները

•   2-5 տարեկանների խնամքի և զարգացամն խումբ. պայմանագիրն ուժի մեջ է մտնում ստորագրման պահից և գործում է մինչև սանի 5 տարեկանների խումբ տեղափոխվելը։
• Պայմանագիրը կարող է փոխվել կողմերի համաձայնությամբ: Կատարված փոփոխությունները կամ լրացումները համարվում են պայմանագրի անբաժանելի մաս:
• Պայմանագիրը կարող է լուծվել կողմերից մեկի պայմանագրային պարտավորությունները չկատարելու դեպքում:
• Պայմանագրի գործողության ժամկետի ավարտից հետո պայմանագրի օրինակը սահմանված կարգով դպրոցում պահպանվում է հինգ տարի։