Սովորողի ընդունելության կարգ։ Քոլեջ

 I. Ընդհանուր դրույթներ

1.1   «Մխիթար Սեբաստացի» կրթահամալիրի Քոլեջում ուսանողի ընդունելությունն իրականացվում է բլեյան դպրոց հեղինակային մանկավարժության սկզբունքներով՝ դիմորդին ընձեռելով մասնագիտական կողմնորոշման և ինքնադրսևորման հնարավորություն։ 

1.2 Ընդունելության գործընթացը դիտարկվում է որպես փորձառություն՝ ուղղված դիմորդի կարողությունների բացահայտմանն ու մասնագիտական ընտրության ճշգրտմանը։ 

1․3 Կրթության առանձնահատուկ պայմանների կարիք ունեցող դիմորդների ընդունելությունն իրականացվում է սահմանված կարգով։ 

1.4 Այլալեզու սովորողների ընդունելությունը կազմակերպվում է սահմանված կարգով։  

1.5 Ընդունելությունն իրականացվում է երկու փուլով. 

• I փուլ – մասնագիտական աշխատարաններ. հետաքրքրությունների, հմտությունների գնահատում, 
• II փուլ – փաստաթղթային ընդունելություն՝ ԿԳՄՍՆ սահմանած կարգով dimord.emis.am հարթակում հայտագրմամբ և ուսումնառության պայմանագրի կնքմամբ։ 
  
  Ընդունված սովորողները ուսումնական տարին սկսելուց առաջ մասնակցում են եռօրյա արշավախմբային ճամբարի։ 

1.6 Ընդունելության գործընթացն ապահովում է յուրաքանչյուր ուսանողի մասնակցային, ներառվող, անհատական մուտքը: 

II.  Մասնագիտական աշխատարանների կազմակերպում 

2.1 Մասնագիտական աշխատարաններից մեկին մասնակցությունն ընդունելության պարտադիր փուլ է։ 

2․2 Ցանկության դեպքում դիմորդը մուտքի տարբեր ճամբարներում կարող է մասնակցել մեկից ավելի աշխատարանի։ 

2.3  Դիմորդները նախապես հայտագրվում են առցանց կամ տեղում՝ լրացնելով համապատասխան ձևաթուղթ։ Ձևաթուղթը քոլեջի ղեկավարի ներկայացմամբ հաստատում է կրթահամալիրի տնօրենը։ 

2.4  Աշխատարանները կազմակերպվում են հունիսին, հուլիսին, օգոստոսին՝ հնգօրյա աշխատակարգով։ Աշխատարանի բովանդակությունը, աշխատակարգը քոլեջի ղեկավարի ներկայացմամբ հաստատում է կրթահամալիրի մասնաժողովը։

2․5 Աշխատարաններից որևէ մեկին չմասնակցած դիմորդի համար օգոստոսին կարող է կազմակերպվել աշխատարանների 4-րդ շրջան։ 

III.  Մասնագիտական աշխատարանների նպատակները և խնդիրները 

3․1 Մասնագիտական աշխատարանների կազմակերպման նպատակը դիմորդի հետաքրքրությունների, մասնագիտական կողմնորոշման և մասնագիտության համար անհրաժեշտ նվազագույն գիտելիքների և կարողությունների գնահատումն է։ 

3.2.  Խնդիրներն են՝ 

• Ծանոթացում կրթահամալիրում իրականացվող հեղինակային մանկավարժությանը, մասնագիտական կրթական ծրագրերին, դրանց կազմակերպման առանձնահատկություններին, կրթահամալիրի ուսումնական միջավայրին։ 
• Մասնագիտական կողմնորոշման աջակցություն։ 
• Մասնագիտության ընտրության փորձառություն։ 
• Ինքնադրսևորման և նախաձեռնողականության խթանում։ 
• Թվային միջոցներով ուսումնառության կարողությունների զարգացում։ 
• Բլոգավարության, մեդիահմտությունների յուրացում։ 
• Թիմային, համագործակցային  աշխատանքով, արտադրությամբ ուսումնառության կարողությունների խթանում։ 
• Բնական ինտեգրում ուսումնական միջավայր։ 

IV. Աշխատարաններ 

• Շուկայաբանություն մասնագիտության
• «Համակարգչային գեղարվեստական նախագծում» մասնագիտության
• Զբոսաշրջություն» մասնագիտության
• «Լուսանկարչական գործ» մասնագիտության
• «Հագուստի մոդելավորում և նախագծում» մասնագիտության
• «Հաշվողական տեխնիկայի միջոցների և համակարգչային ցանցերի տեխնիկական սպասարկում» մասնագիտության
• «Խմորման արտադրության տեխնոլոգիա և գինեգործություն» մասնագիտության աշխատարան։ 

V.  Աշխատարանների բովանդակային բաղադրիչները 

• Մասնագիտական միջավայրում նախագծային աշխատանքի իրականացում 
• Անհատական և խմբային ուսումնական գործունեություն 
• Բլոգուսուցում 

VI.  Հմտությունների և կարողությունների գնահատման կարգ 

6․1  Մասնագիտական աշխատարանները գնահատման հարթակներ են՝ ուղղված ուսանողի կարողությունների, հմտությունների և մասնագիտական կողմնորոշման բացահայտմանը։ 

Գնահատման հիմնական ուղղությունները, գործիքները 

Գնահատման փուլերը 

• Մասնակցություն աշխատարանին 
• Արդյունքների վերլուծություն, ամփոփում 
• Հետադարձ կապ  

6․2  Կրթության առանձնահատուկ պայմանների կարիք ունեցող դիմորդների գնահատումն ապահովվում է ուղեցողի կամ մասնագիտական խմբի աջակցությամբ։ 

VII.  Հաշվետվություն և փաստաթղթավորում 

7․1      Աշխատարանների ղեկավարները կազմում են ամփոփ հաշվետվություն, որը ներառում է հետևյալ տեղեկությունը. 

• Մասնակցության ակտիվություն 
• Անհատական և մասնագիտական հմտությունների դրսևորում 
• Վերջնական եզրակացության կայացում 

7․2     Հաշվետվության հիման վրա, ինչպես նաև ԿԳՄՍՆ կարգով dimord.emis.am հարթակում հայտագրվելուց հետո կատարվում է ուսումնառության պայմանագրի կնքում։ 

7․3     Ուսումնառության պայմանագիր չկնքելու դեպքում Քոլեջի ղեկավարը ուսանողին, ծնողին ներկայացնում է մերժելու հիմնավորում։ 

7․4     Ուսանողն իր մերժումը կարող է բողոքարկել՝ դիմելով կրթահամալիրի տնօրենին։  

6․5 Կրթահամալիրի տնօրենը կազմակերպում է հարցի քննարկում՝ աշխատարանների համակարգողների, Քոլեջի ղեկավարի մասնակցությամբ։ Համաձայնության չգալու դեպքում հարցը լուծվում է կրթահամալիրի տնօրենի որոշմամբ։ 

Իրավական հիմքեր 

• ՀՀ օրենքը մասնագիտական կրթության և ուսուցման մասին 
• Կրթահամալիրի կանոնադրություն, ներքին կարգապահական կանոններ   
• Քոլեջի կանոնադրություն 
   

VIII. Ընդունելության համար անհրաժեշտ փաստաթղթեր 

• 9-րդ դասարանի ավարտական վկայական (կոդը)
• Ծննդյան վկայականի պատճեն 
• Սոցքարտի (ՀԾՀ) պատճեն 
• Չորս լուսանկար 
• Ծնողի անձնագրի պատճեն 
• Ուսումնառության պայմանագիր