«Ա՜յ, քեզ շաբաթ». արթնացա երկուշաբթի
Մարինե Մարտիրոսյան
Արևելյան դպրոցի 1.2 դասարանի սովորողներն անցկացնում են իրենց լողի ստուգատեսը։ Իսկական ինքնուրունության, լողի կարողությունների ներկայացման հրճվանքով օր։ Դե, իսկ ռոդարիական զվարճանքը ծնվեց հենց լողավազանում։ Սկսել ենք ասել խաղալ Ջաննի Ռոդարի «Ա՜յ, քեզ շաբաթ» ստեղծագործությունը։ Օրացույցային բաժանումով նախատեսել ենք պատմել մեր շաբաթվա բոլոր օրերի մասին։ Երկուշաբթի արթնացանք լողավազանում։ Թե ինչպես արթնացանք, պատմում ենք լողորդի իմացումով ու հրճվանքով։
Արթնացա երկուշաբթի։
-Որտե՞ղ արթնացա.
-Ինչպե՞ս արթնացա:
-Չլմփալով արթնացա,
-Ջրի հետ խաղալով արթնացա,
- Ձկնիկի պես լող տալով արթնացա։
-Արթնացա ու լող տվի, հա լող տվի,
Թե որտեղ կարթնանանք երեքշաբթի և ինչպե՞ս, մենք էլ չգիտենք։ Ռոդարիական հնարամտությունն ու ստեղծականությունը անսահման է և անիմանալի` ստեղծողի մտքի և գործի ճախրումով։
Նյութը՝ դասարանական բլոգում։