Ընդունելություն հետազոտական վարժարան 2025-2026
Գրանցումը սկսված է
Երևանի «Մխիթար Սեբաստացի» կրթահամալիրի ավագ դպրոցը հրավիրում է սովորելու 2025-2026 ուսումնական տարվա 9-րդ, 10-11-րդ, 12-րդ դասարաններում։
Կրթական ծրագրի կազմակերպումը՝ ուսումնական օրացույցով, ուսումնական նախագծերով, ուսուցման անհատական թվային գործիքներով, անհատական ուսումնական պլաններով։ Ուսումնական պլանի անհատականացումը՝ սովորողի ընտրությամբ, խորացված ուսուցման, լրացուցիչ կրթության դասընթացների միջոցով.
- ծրագրավորման-ինժեներական- սարքաշինական
- կերպարվեստի (քանդակ, կոմպոզիցիա և դիզայն, համակարգչային գրաֆիկա և դիզայն, անիմացիա, մոդելավորում, գունանկար, գծանկար)
- միջմշակութային հաղորդակցության (օտար լեզուներ-թարգմանություն-լրագրություն-հասարակագիտություն)
- մարզական ակումբներ (հրաձգություն, նետաձգություն, սուսերամարտ, հեծանիվ, վոլեյբոլ, բասկետբոլ, ֆուտբոլ, թենիս,մարմնամարզություն)
- ռազմամարզական-արշավախմբային ճամբարները ՆԶՊ դասընթացի այլընտրանք
- այլ դասընթացների։
Ուսուցման կազմակերպման ձևերը՝ առկա, հեռավար, հեռավար-ինքնակրթությամբ։
- Օտար լեզուն (առաջին, երկրորդ) սովորողի ընտրությամբ՝ անգլերեն, արաբերեն, վրացերեն, թուրքերեն, պարսկերեն, ֆրանսերեն, գերմաներեն, իսպաներեն, իտալերեն, ռուսերեն։
- Նախասիրությունների զարգացման բաց ակումբներ, ուսումնական օրացույցով որոշված բաց ստեղծագործական հավաքներ, ստուգատեսներ, ցուցահանդես-համերգ-ներկայացումներ, տոներ։
- Քաղաքային, արշավախմբային-ռազմամարզական ճամբարներ, միջազգային ուսումնական նախագծերի-հավաքների, ճամբարների մասնակցություն, կրթական փոխանակումներ։
- Հետազոտական աշխատանքները, որպես սովորողի մասնագիտական զարգացման և նախասիրությունների բացահայտման հարթակ։
- Կամավորական աշխատանք կրթահամալիր ուսումնական կենտրոններում, լաբորատորիաներում, դպրոցներում, գործընկեր կազմակերպություններում։
- Անհատական պլանով որոշված խորացված ուսուցման, մասնագիտական ուսուցման պատշաճ միջավայր՝ արդիական արվեստանոց-արհեստանոց-լաբորատորիաներով։
- Սովորողների արձակուրդային ուսումնական նախագծեր։
Ընդունելության պայմանները՝
- ծանոթություն կրթական ծրագրին, խորհրդատվական հանդիպումներ
- մասնակցություն «Մուտք կրթահամալիր» երևանյան աշխատարաններին և հայրենագիտական եռօրյա ճամփորդություն Արատես դպրական կենտրոն
- անհատական ուսումնական պլանի կազմում
- ուսումնառության պայմանագրի կնքում
Ընդունելության համար անհրաժեշտ փաստաթղթեր
- սովորողի հանրային ծառայության համարանիշի կամ դրանից օրենքով սահմանված կարգով հրաժարված լինելու մասին տեղեկանքի պատճենը
- ծննդյան վկայականի կամ անձնագրի բնօրինակը և պատճենը
- 2 լուսանկար՝ 3×4 չափսի
- 10-րդ դասարան դիմող սովորողը ներկայացնում է 9-րդ դասարանի ավարտական վկայական
Հետազոտական վարժարանում սովորելու առաջին քայլը՝
- գրանցվել հետևյալ հղումով։
Մանրամասն տեղեկությունների համար եկեք Ավագ դպրոց՝ Ա. Բաբաջանյան 25, զանգեք (010) 740042, գրեք m.asatryan@mskh.am հասցեով։
Իրավական հիմքեր