Վեց տարեկանների «Մուտք» ճամբարներ
Անահիտ Հարությունյան
Մարտի 24-27-ը «Մխիթար Սեբաստացի» կրթահամալիրի Հարավային, Հյուսիսային, Արևելյան, Արևմտյան դպրոց-պարտեզներում կազմակերպվեց 2019 թվականին ծնված 6 տարեկան առաջին դասարանցիների «Մուտք» ճամբարը: Եռօրյա ճամբարին մասնակցում են հեղինակային կրթական ծրագիրն ընդունել ցանկացող ընտանիքները: Այն նպատակ ունի ծանոթացնելու հեղինակային կրթական ծրագրի կազմակերպման կարգերին, փաստաթղթերին, ուսումնական միջավայրին, ուսուցման առանձնահատկություններին:
Մուտքի ճամբարականներն այս օրերին՝
- ծանոթացել են խաղի միջոցով,
- խաղ-ուսուցմամբ բերանացի ընթերցել են բանաստեղծություններ,
- մասնակցել են ընդհանուր պարապմունքի,
- միասին երգել ու պարել են,
- սովորել են օտարալեզու երգեր,
- նկարել են,
- աշխատել են կավով, ծեփել են,
- պատրաստել են ուրախ արևներ, տոնական բացիկներ մայրիկների համար,
- մարզվել են,
- այցելել են Ագարակ, կերակրել են ձիուկներին ու թռչուններին,
- ձիավարել են,
- տնկել են ծաղիկներ:
Ավելին՝ բլոգում: