Սեբաստացու օրեր․ Հոբելյանական ցուցահանդես

Մխիթար Սեբաստացի» կրթահամալիրի հոբելյանական 35-ամյակին ընդառաջ՝ Գեղարվեստի ուսումնական կենտրոնը  նոյեմբերի 22-ին, ժամը՝ 12։00,  ներկայանում է հոբելյանական ցուցահանդեսով։

Ցուցահանդեսին ներկայացված են «Երվանդ Քոչար 125» և «Փարաջանով 100» հոբելյանական ուսումնական, շուրջտարյա նախագծերով ստեղծված  աշխատանքները։ Այս նախագծերը միավորում են ուսումնական պլանով պարապմունքների, վարպետության դասերի, պլեններների և ստեղծագործական լաբորատորիա-արվեստանոցների արդյունքները, որտեղ սովորողները  ուսումնասիրել են  Քոչարի նորարարական ժառանգությունը և ոգեշնչվել Փարաջանովյան յուրահատուկ վիզուալ պոեզիայից:

Ցուցահանդեսում՝ 

• օրգանական ապակուց ստեղծված գրաֆիկական
• 3d  քանդակներ, ինստալացիաներ
• լինոփորագրություններ և ինքնատիպ կոմպոզիցիաներ
• զարդեր
• խեցեգործական դեկորատիվ իրեր
• ցիանոտիպիա

      Սովորողների ուսումնական  ստեղծագործությունները ոգեշնչված են Սերգեյ Փարաջանովի կինեմատոգրաֆիայից, դեկորատիվ արվեստից, Երվանդ Քոչարի ավանգարդ փորձերից, որոնք արտահայտում են սերունդների կապը՝ շարունակելով հայ արվեստին բնորոշ ավանդույթի և նորարարության երկխոսությունը։

Ցուցահանդեսի հատուկ հյուրն է կրթահամալիրի Գեղարվեստի բարեկամ, գործընկեր Գյումրու Գեղարվեստի ակադեմիան, որը ներկայանում է «Արատես» պլեներային շարքով։ Շարքը ստեղծվել է կրթահամալիրի «Արատեսի դպրական կենտրոն» այցելությունների, կրթական փոխանակումների ընթացքում։

Ցուցադրությունում առանձնակի ուշադրության է արժանի նկարիչ, գրաֆիկ,համադրող Սարգիս Հովհաննիսյանի «Փարաջանովյան հետքեր․ Տեսողական լեզու» և լուսանկարիչ, արվեստագետ Արմեն Տեր-Մկրտչյանի «Camera Obscura» և ցիանոտիպիա․ աշխատարանների արդյունքները։

Վայրը՝ «Մխիթար Սեբաստացի» կրթահամալիրի Գեղարվեստի ուսումնական կենտրոն, «Գեղարվեստի ցուցասրահ», «ArtաՍահման» արվեստանոց։

Հասցե՝ Րաֆֆի 69/1