ՄԿԾ-ի մշտադիտարկման և վերանայման քաղաքականություն

Հաստատված է

                                                                      Կրթահամալիրի տնօրենի 15․09․2023թ․ թիվ 23-1087 հրամանով

«ՄԽԻԹԱՐ ՍԵԲԱՍՏԱՑԻ» ԿՐԹԱՀԱՄԱԼԻՐ

ՔՈԼԵՋ

ՄԱՍՆԱԳԻՏԱԿԱՆ ԿՐԹԱԿԱՆ ԾՐԱԳՐԵՐԻ ՄՇՏԱԴԻՏԱՐԿՄԱՆ ԵՎ ՎԵՐԱՆԱՅՄԱՆ ՔԱՂԱՔԱԿԱՆՈՒԹՅՈւՆ

«Մխիթար Սեբաստացի» կրթահամալիրի Քոլեջը կարևորում է իր ուսումնական գործընթացների, կրթական ծրագրերի և աշխատանքների բարձր որակի ապահովումը: Սեբաստացի քոլեջի մասնագիտական կրթական ծրագիրը (ՄԿԾ) նպատակ ունի ապահովել ուսանողների հմտությունների և գիտելիքների բարձր մակարդակը՝ ժամանակակից աշխատաշուկայի պահանջներին համապատասխան: Այս հայեցակարգը հիմնված է ՄԿԾ-ի մշտադիտարկման, վերանայման քաղաքականության և ընթացակարգերի վրա՝ նպատակ ունենալով հաստատել որակյալ կրթական համակարգ:

Հայեցակարգի հիմքում ընկած է որակի համակարգված կառավարումը, ինչը ենթադրում՝

Կրթական ծրագրերի մշակում և իրականացում՝

ü  կրթական նյութերի ստեղծում,

ü  ուսումնական պլանների և ծրագրերի մշակում,

ü  արդյունքների հիմնավոր փորձարկում և վերլուծություն:

Դասավանդման և ուսուցման մեթոդաբանություններ՝

ü  նախագծային և արտադրական ուսուցման մեթոդների կիրառում,

ü  նորարարական և ակտիվ ուսուցման մեթոդների ներմուծում և կիրառում:

Մշտադիտարկման և վերանայման համակարգերի կիրառություն՝

ü  արդի պահանջներին և չափանիշների համապատասխանությամբ:

ԿՐԹԱԿԱՆ ԾՐԱԳՐԵՐԻ ՄՇՏԱԴԻՏԱՐԿՈՒՄ    ԵՎ ՎԵՐԱՆԱՅՈՒՄ

Մշտադիտարկման և վերանայման նպատակներն են՝

1. Որակի կատարելագործում: Հետևողականորեն բարձրացնել ՄԿԾ-երի որակը:
2. Համապատասխանություն պահանջներին: Ապահովել կրթական ծրագրերի համապատասխանությունը փոփոխվող պահանջներին և չափանիշներին:
3. Տվյալների հավաքագրում և վերլուծություն: Կազմակերպել տվյալների հավաքագրում և վերլուծություն՝ գնահատելու արդյունավետությունն ու բացահայտելու բարելավման հնարավորությունները:
4. Անհատական կարգավորում: Կիրառել անհատական մոտեցումներ՝ յուրաքանչյուր ուսանողի համար ապահովելով լավագույն ուսումնական պայմանները:

Մշտադիտարկման և վերանայման մեխանիզմներն են՝

1. Պլանավորում: Մշակել մանրամասն պլան՝ նախատեսված գործողություններով և ժամանակացույցով: Ներգրավել դասավանդողներին, ուսանողներին և այլ մասնակիցներին՝ ծրագրերի և քաղաքականությունների մշակման գործընթացում:
2. Իրականացում: Իրականացնել պլանավորված գործողությունները՝ հետևելով հաստատված ժամանակացույցին: Համակարգել տարբեր մասնակիցների գործողությունները՝ ապահովելով համագործակցություն:
3. Գնահատում: Կազմակերպել հարցումներ ուսանողների, դասավանդողների, ծնողների, շրջանավարտների համար՝ հավաքելու կարծիքները և առաջարկությունները:
4. Բարելավում: Վերլուծել հավաքված տվյալները և գնահատման արդյունքները՝ բացահայտելու թույլ կողմերը և հնարավոր բարելավումները: Կատարել անհրաժեշտ փոփոխություններ և բարելավումներ՝ մշտապես հետևելով կատարված գործողությունների ազդեցությանը:

Գնահատման հիմքեր են՝

ü  Հաշվետվությունները

ü  Կլոր սեղանները

ü  Հանրային ներկայացումները

ü  Ստեղծագործական հավաքները

ü  Ստուգատեսները, փառատոները

ü  հետադարձ կապը

Վերանայման մեխանիզմներ

ü  Կրթական ծրագրերի պարբերական վերանայում՝ ապահովելու համար նրանց համապատասխանությունը ժամանակակից պահանջներին:

ü  Ծրագրերի արդիականացում նոր տեխնոլոգիաների և մեթոդների հիման վրա:

ü  Կրթական գործընթացների բարելավում՝ ուսանողների և աշխատաշուկայի պահանջներին համապատասխան:

ü  Կրթական ծրագրերի լավարկում՝ հետադարձ կապի վերլուծության հիման վրա:

Ուսանողների և դասավանդողների մասնակցությունն ապահովում են՝

1. Հետադարձ կապը՝

ü  Ուսանողների և դասավանդողների պարբերական հարցումներ և հետադարձ կապի ստացում:

2. Մասնակցության հրապարակային միջոցառումներին՝

ü  Քննարկումներ, սեմինարներ և վերապատրաստումներ, որոնք նպաստում են ծրագրերի բարելավման առաջարկների ներկայացմանը:

3. Համագործակցություն և փոխգործակցություն՝

ü  Ուսանողների և դասավանդողների համատեղ աշխատանք կրթական նախագծերի շրջանակում:

Մասնագիտական կրթական ծրագրերի կառավարումն իրականացվում է Քոլեջի ղեկավարի,  մանկավարժական խորհրդի, կրթահամալիրի մասնախմբերի, մանկավարժության լաբորատորիայի, որակի ապահովման կենտրոնի կողմից: Ուսումնական տարվա ավարտին՝ անկավարժական ճամբարի ընթացքում Քոլեջի մանկավարժական խորհուրդը լրամշակում է մասնագիտական կրթական ծրագրերը՝ հիմնվելով տարվա ընթացքում գրանցած մշտադիտարկման արդյունքների վրա: Լրամշակված տարբերակը ներկայացվում է քննարկան կրթահամալիրի մասնախմբերին, մանկավարժության լաբորատորիային: Մանկավարժության լաբորատորիան հաստատում է մասնագիտական կրթական ծրագրի լրամշակված տարբերակը: