Դասավանդողների կազմի առաջընթացի ապահովման քաղաքականություն

10/9/2023, 5:02:00 AM Created By` Տաթև Բլեյան

Հաստատված է Կրթահամալիրի տնօրենի
15․09․2023թ․ թիվ 10-1087 հրամանով

ԴԱՍԱՎԱՆԴՈՂՆԵՐԻ ԿԱԶՄԻ ԱՌԱՋԸՆԹԱՑԻ ԱՊԱՀՈՎՄԱՆ
ՔԱՂԱՔԱԿԱՆՈւԹՅՈւՆԸ

Դասավանդողներն իրավունք ունեն և պարտավոր են անընդհատ զարգացնել իրենց մասնագիտական ունակությունները, որոնք անհրաժեշտ են Քոլեջի կրթական գործունեության զարգացման և կատարելագործման համար: Դրա համար կրթահամալիրի մանկավարժության կենտրոնի, հեղինակային մանկավարժության լաբորատորիայի, Քոլեջի ղեկավար կազմի կողմից կազմակերպվում են միջոցառումներ՝ կադրերի մասնագիտական առաջընթացի ապահովման հարցում աջակցություն տրամադրելու նպատակով: Մասնագիտական առաջընթացը երաշխավորված է այն դասավանդողների շրջանակում, որոնք միտում ունեն անընդհատ զարգացնելու իրենց մասնագիտական կարողությունները և հմտությունները, և ապահովում են կրթական գործունեության առավել բարձր ցուցանիշներ: Մասնագիտական առաջընթացի ապահովումը ենթադրում է՝

· նոր կրթական տեխնոլոգիաների տիրապետում (բլոգային հարթակներ, փոստային հարթակներ, էլեկտրոնային դասասենյակներ)

· որակի ապահովման և կառավարման սկզբունքների տիրապետում ու կիրառման ունակություն

· մասնագիտական ոլորտի գիտական խնդիրների լուծում և համապատասխան որոշումների կայացում:

Կրթահամալիրում դասավանդողները հանդես են գալիս և՛ որպես իրենց կայուն առաջընթացն ապահովող գործընթացների մասնակից, կատարող, և՛ որպես այդ գործընթացների կազմակերպիչ, իրականացնող, համակարգող։

Հիմնական դասավանդողների կազմում են մենթորական աշխատանք իրականացնող, որպես վերապատրաստող, նախագծերի համակարգող, դիպլոմային և հետազոտական աշխատանքների, մասնագիտական ուսումնասիրությունների ղեկավար հանդիսացող աշխատողները:

Մասնագիտական կայուն առաջընթացն ապահովող մեխանիզմներն են՝

· վերապատրաստումները

· մանկավարժական ճամբարները, մանկավարժական ակումբները.

· մենթորությունը

· մասնագիտական զարգացման սեմինարները

· կրթահամալիրում ամենամյա մայիսյան, աշնանային ստեղծագործական հավաքները։

Վերապատրաստումը հատուկ գիտելիքների, հմտությունների ձեռքբերման գործընթաց է, որն իրականացվում է փորձառությամբ,որոշակի պարբերականությամբ։ Այն միտված է ընդլայնելու դասավանդողի մասնագիտական հմտություններն ու կարողությունները, նպաստելու նրա համակողմանի զարգացմանը։

Մանկավարժական ճամբարը հեղինակային կրթական ծրագրով իրականացվող վերապատրաստման տեսակ է, որի միջոցով դասավանդողները ծանոթանում է կրթահամալիրում իրականացվող հեղինակային կրթական ծրագրի զարգացումներին, յուրաքանչյուրի հեղինակային փորձին՝ գործունեությանը, կազմակերպմանը։

Մենթորությունը ուսուցման ու զարգացման համագործակցություն է, որի դեպքում միմյանցից սովորում են երկու կողմերը։ Մենթորը փոխանցում է իր գիտելիքները, փորձը, հմտությունները՝ խթանելով դասավանդողի մասնագիտական համակողմանի զարգացումը, նպաստելով հեղինակային կրթական ծրագրի յուրացմանն ու գործնական կիրառմանը։

Մասնագիտական զարգացման սեմինարներն ուղղված են առարկայական ծրագրի ուսուցչին՝ ծրագրի մշակման, իրականացման, տարածման համար, մանկավարժական աշխատանքին, ուսումնական նախագծերի ղեկավարմանը, այդ թվում՝

· բնագիտական-բնագիտատեխնիկական ստեղծագործության,

· տեխնոլոգիական.

· հայրենագիտական, բնապահպանական.

· հումանիտար-հասարակագիտական՝ թարգմանական, լրագրողական հասարակագիտական, քաղաքացիական.

· ֆիզիկական զարգացման, մարմնամարզական, ռազմամարզական,

· տեղեկատվական տեխնոլոգիաների՝ ՏՀՏ, վլոգերություն, բլոգերություն։

Դասավանդող կազմի առաջընթացի ապահովման մեխանիզմն արտացոլված է կրթահամալիրի ուսումնական օրացույցում շուրջտարյա ուսումնական տարաբնույթ, բազմազան նախագծերի, սեմինարների, վերապատրաստումների ժամանակացույցում՝

· Ամենամյա հանրակրթական ստուգատեսներ

· Գեղարվեստը կրթահամալիրում

· Հակաբացիլ Կոմիտաս

· Ստեղծագործական բաց հավաքներ

· Շուրջտարյա ճամբարներ

· Հայրենագիտական ճափորդություններ

· այլ։

Սույն քաղաքականության իրականացնող, վերահսկող, պատասխանատու մարմիններն են Կրթահամալիրի մանկավարժության կենտրոնը, Քոլեջի ղեկավարը, կադրերի տեսուչը։

Քոլեջի հիմնական դասավանդողների կազմի կայունությունն ապահովող ընթացակարգերի քաղաքականությունը ենթակա է փոփոխման կամ վերանայման, ըստ անհրաժեշտության:

college

Edit Delete