Կատարելագործման միջոցառումների պլան

«ՄԽԻԹԱՐ ՍԵԲԱՍՏԱՑԻ» ԿՐԹԱՀԱՄԱԼԻՐ

ԴԱՍԱՎԱՆԴՈՂՆԵՐԻ ԿԱՏԱՐԵԼԱԳՈՐԾՄԱՆ ՄԻՋՈՑԱՌՈւՄՆԵՐԻ ՊԼԱՆՆԵՐԸ՝ ԸՍՏ ՄԵԹՈԴԱԿԱՆ, ՄԱՍՆԱԳԻՏԱԿԱՆ ԵՎ ԲԱՐԵՓՈԽՈւՄՆԵՐԻ
ՈւՂՂՎԱԾՈւԹՅՈւՆՆԵՐԻ

-       Գրական ակումբ

-       Մանկավարժական ակումբ

-       Քանդակի ակումբ

-       Պարի ակումբ Հասկ

-       Նռանե

-       Մարզական ակումբ

-       Շախմատի ուսումնական ակումբ

-       Սեբաստացիներ երգչախումբ

-       Սեբաստացիներ վոկալ համույթ

Մասնագիտական զարգացման հարթակներ են՝

-       Դպիր մանկավարժական հանդեսը

-       Կրթահամալիրի օրացույցով որոշված ընդհանուր հավաքները

o   Ուսումնական ժամերգություն

o   Ուրբաթ համերգ

o   Աշխատողների ժողով

o   Համերգ ֆիլհարմոնիկում

o   Առավոտյան ընդհանուր պարապմունք

o   Մանկավարժական շուրջտարյա ճամբարներ

Մանկավարժական աշխատողի համար կազմակերպվում են նաև լրացուցիչ մասնագիտական սեմինար-պարապմունքներ, աշխատարաններ՝ ելնելով աշխատողների կարիքներից և կրթահամալիրում գործարկվող նոր մանավարժական-մեթոդական գործիքներ փոխանցելու անհրաժեշտությունից: Սեմինար-պարապմունքները վարում են կրթահամալիրի առաջատար մասնագետները, ինչպես նաև՝ հրավիրյալ մասնագետներ: Ուսումնական տարվա ընթացում կազմակերպվում են պարբերաբար մասնագիտական զարգացման սեմինարներ, դասընթացներ, վերապատրաստումներ։           

Կրթահամալիրի արհեստակցական կազմակերպության կանոնադրությամբ՝  աշխատողը կրթահամալիրից դուրս մասնագիտական զարգացմանն ուղղված դրամական աջակցություն կարող է ստանալ, եթե իր ձեռք բերած գիտելիք-հմտությունն ուղղվելու է կրթահամալիրում իր, գործընկերների մասնագիտական աճին, փոխանցելու է սովորողներին, ուսանողներին:

Կրթահամալիրի մասնախմբերի, ուսումնական կենտրոնների ղեկավարները ձևավորում են կրթահամալիրի Մասնաժողովը։ Մասնաժողովը կրթահամալիրի մանկավարժական, ուսումնամեթոդական, հետազոտական գործունեությունը պլանավորող, համակարգող և կարգավորող կոլեգիալ մարմին է, որի անհատական կազմը և փոփոխությունները կրթահամալիրի տնօրենի ներկայացմամբ հաստատում է կրթահամալիրի Կառավարման խորհուրդը։

Մասնաժողովը ղեկավարում է կրթահամալիրի փոխտնօրենը: Մասնաժողովն իր աշխատանքը կազմակերպում է նիստերի միջոցով:  Մասնաժողովի նիստերը, որպես կանոն, կազմակերպվում են յուրաքանչյուր ամսվա վերջին երեքշաբթին։ Կրթահամալիրի տնօրենի առաջարկով կարող է կազմակերպվել Մասնաժողովի արտահերթ նիստ։ Մասնաժողովի նիստերը կարող են անցկացվել  առցանց: Մասնաժողովին ներկայացվող նյութերը պատրաստվում են հեռավար, առցանց քննարկումների միջոցով: Մասնաժողովն իր որոշումները ընդունում է համաձայնությամբ։ 

Մասնաժողովը սահմանված կարգով կրթահամալիրի խորհրդի հաստատմանն է ներկայացնում․

●      կրթահամալիրի կրթական հայեցակարգը.

●      մասնաճյուղերի ուսումնական պլանները՝ ըստ ուսումնական շրջանների, ուսումնական պլանը սպասարկող կարգերի.

●      առարկայական ծրագրերը, այդ թվում՝ սովորողի ընտրությամբ գործունեության և դասընթացների, լրացուցիչ կրթության.

●      ուսումնական ձեռնարկների և մեթոդական ուղեցույցների ցանկը.

●      կրթահամալիրում իրագործվող ծրագրերը, հետազոտական և մեթոդական աշխատանքների թեմաները.

●      կրթահամալիրի խորհրդի կողմից նախարարությանը ներկայացվող կրթահամալիրի գործունեության առարկային, նպատակներին և խնդիրներին համապատասխան առաջարկություններ։

Մասնաժողովը հաստատում է՝ հեղինակային կրթական ծրագրերի ուսումնական պլաններով որոշված՝  ուսումնական ստուգատեսային-նախագծային ճամբարների՝ երկրորդ, չորրորդ շրջանների կազմակերպման կարգը, լրացուցիչ կրթության դասընթացների ցանկը, կազմակերպման կարգը, այլ հարցեր։

Մասնաժողովն ունի իր  էջը  մանկավարժության կենտրոնի բլոգում, տարածման էլեկտրոնային հասցեն՝ masnajhoghov@mskh.am:

Մանկավարժական աշխատողի աշխատանքի պլանավորումը՝ նախագիծը, աշխատանքի ընթացքը և արդյունքները հրապարակվում են վերջինիս բլոգում Մանկավարժական աշխատողի մասնագիտական զարգացմանն ուղղված աշխատանք է  մեթոդական հոդված գրելը, թարգմանություն կատարելը, հրապարակվելը կրթահամալիրի «Դպիր» էլեկտրոնային ամսագրում։

 Որպես դասավանդողների կատարելագործման միջոցառում՝ մանկավարժական աշխատողների և ուսումնաօժանդակ կազմի համար կրթահամալիրը սահմանել է անվանական, ինչպես նաև խրախուսական մրցանակներ՝

●      բնագիտության, տեխնիկակական-ինժեներական ստեղծագործության, էկոլոգիայի, երկրագործության, մաթեմատիկայի, ծրագրավորման բնագավառում բլոգային-նախագծային-լաբորատոր ուսուցման կազմակերպման, տարածման համար.

●      հասարակագիտական, քաղաքացիական կրթության նախագծերի իրականացման, քաղաքացիական նախաձեռնողականության, այլոց իրավունքների պաշտպանության համար.

●      ռազմամարզական, մարզական-հայրենագիտական, անվտանգ կենսագործունեության և առողջ ապրելակերպի ուսումնական նախագծերի իրականացման և տարածման համար.

●      համաշխարհային համացանցում հայալեզու գրականության, օտար լեզվով հայկական մշակույթի, հայագիտության տարածման, թարգմանական գործունեության համար.

●      պարի, ծեսի, ազգային խաղերի, ազգագրության բնագավառում ուսումնական նախագծերի իրականացման և տարածման համար.

●      ծրագրային-նյութական միջավայրի նորացման ուսումնական նախագծերի մշակման, իրականացման և տարածման համար.

●      ուսումնական ֆիզիկական միջավայրի բարելավման նախագծերի համակարգման, իրականացման համար.

●      հասարակական-քաղաքական-մշակութային գործիչների հետ գործող կապերի, կրթական գործընթացում ներառման, համագործակցային դաշտի ստեղծման, նախագծային գործունեության նոր ուղղություն ներդնելու համար.

●      հեղինակային կրթական ծրագրերի մշակման, կազմակերպման, տարածման մեջ էական ներդրում ունենալու համար.

●      համագործակցային (այդ թվում՝ ընտանեկան դպրոցների հետ) նախագծերի մշակման-իրականացման համար, իր ստեղծած ուսումնական ռեսուրների համար:

●      կոնկրետ նախագծի (նախագծերի) համար, որտեղ ակնհայտ են հեղինակային-նորարարական մոտեցումները, շարունակականությունը, այլոց կողմից կիրառելիությունը։