Հաշվետվողականության կարգ

Հաստատված է՝  
Կրթահամալիրի տնօրենի 15․09․2023թ․ թիվ 10-1087 հրամանով 

«ՄԽԻԹԱՐ ՍԵԲԱՍՏԱՑԻ» ԿՐԹԱՀԱՄԱԼԻՐ

ՔՈԼԵՋ

ՀԱՇՎԵՏՎՈՂԱԿԱՆՈՒԹՅԱՆ ԿԱՐԳ

1.    ԸՆԴՀԱՆՈՒՐ ԴՐՈՒՅԹՆԵՐ

1.1. Սույն կարգով սահմանվում է «Մխիթար Սեբաստացի» կրթահամալիրի քոլեջի հաշվետվողկանության կարգը։
1.2. Քոլեջի հաշվետվողականության կարգը ներառում է մի շարք ընթացակարգեր և մեխանիզմներ, որոնք ապահովում են կրթական, հետազոտական և ռեսուրսների օգտագործման գործընթացների թափանցիկությունը և որակը։
1.3. Քոլեջում հաշվետվողկանությունը կրթահամալիրի հաշվետվողկանության մաս է։
1.4. Քոլեջի հաշվետվողականությունը վերաբերում են ուսանողներին, դասավանդողներին, ուսումնաօժանդակ կազմին, կազմակերպչին, գրասենյակի ղեկավարին, Քոլեջի ղեկավարին:
1.5.Քոլեջում հաշվետվողականությունը ժամանակին ապահովելու վերահսկողությունն իրականացնում է Քոլեջի ղեկավարը։ 1.6. Սույն կարգը պարտադիր է Քոլեջի ողջ աշխատակազմի և ուսանողների համար։
Հաշվետվողականությունը որոշակի գործողությունների և որոշումների համար պարտականություն ունենալն ու պատասխանատվություն կրելն է:

Հաշվետվողականության նպատակներն են՝

• ապահովել Քոլեջի և նրա գործունեության համապատասխանությունը սահմանած նպատակներին,
• հետևել ուսանողների, դասավանդողների, աշխատակիցների կատարողականին և արդյունքներին,
• բարելավել ներքին գործընթացների արդյունավետությունը,
• ապահովել թափանցիկություն և վստահություն:

ՀԱՇՎԵՏՎՈՂԱԿԱՆՈւԹՅԱՆ ԿԱԶՄԱԿԵՐՊՄԱՆ ՔԱՅԼԵՐԸ

Հաշվետվողականության կազմակերպման քայլերը ներառում են՝

• հաշվետվողականության սահմանում
• հստակ պարտականությունների սահմանում
• հաշվետվողականության մեխանիզմների ստեղծում
• հետադարձ կապի և վերահսկման մեխանիզմներ
• պատասխանատվության կրում
• թափանցիկության ապահովում

Հաշվետվողականության հիմնական բաղադրիչներն են՝

• պատասխանատվություն
• հաշվետվության ներկայացում
• թափանցիկություն

Հաշվետու անձինք պարտավորվում են կատարել իրենց պարտականությունները և գործել պատասխանատու կերպով: Պարտականությունները չկատարելու կամ ոչ պատշաճ չկատարելու դեպքում նրանք պարտավորվում են կրել համապատասխան հետևանքներ:

Քոլեջի հաշվետվությունները լինում են՝

1. կրթական գործունեության,
2. ֆինանսական։

Լաբորատորիաների, արհեստանոց-արվեստանոցների ղեկավարներն ամեն ամիս ներկայացնում են հաշվետվություն իրենց գործունեության մասին։
Հաշվետվությունները պետք է ներառեն կատարված աշխատանքները, արդյունքները:
Հաշվետվությունները ստուգվում են տնօրենության կողմից և ամփոփվում ընդհանուր ամսական հաշվետվության մեջ:
Ֆինանսական հաշվետվությունները ամեն տարվա ավարտին ներկայացվում են կրթահամալիրի ֆինանսական      բաժին, որը քննարկվում և հաստատվում է ղեկավարության կողմից: Հաստատված բյուջեն հրապարակվում է կրթահամալիրի էլեկտրոնային մատենավարության ցանցում: Ֆինանսական հաշվետվությունները ներառում են եկամուտների և ծախսերի մանրամասն նկարագրություն:

Հաշվետվությունները լինում են՝

1. Ամսական

2. Կիսամյակային

3. Տարեկան

1.  Ամսական հաշվետվությունները ներկայացվում են յուրաքանչյուր ամսվա վերջում: Յուրաքանչյուր ուսանող, դասավանդող, աշխատող, լաբորատորիա ներկայացնում է իր ամսական գործունեության մանրամասն նկարագրությունը, հաշվետվությունները և արդյունքները: Ամսական հաշվետվությունները հրապարակվում են Քոլեջի պաշտոնական կայքում և հասանելի են բոլոր շահագրգիռ կողմերին:

2. Կիսամյակային հաշվետվությունները ներկայացվում են կիսամյակի վերջին: Յուրաքանչյուր ուսանող, դասավանդող, աշխատող, լաբորատորիա ներկայացնում է իր տարվա գործունեության մանրամասն նկարագրությունը, հաշվետվությունները և արդյունքները: Կիսամյակային հաշվետվությունները հրապարակվում են Քոլեջի պաշտոնական կայքում և հասանելի են բոլոր շահագրգիռ կողմերին:

3. Տարեկան հաշվետվությունները ներկայացվում են տարվա ավարտին: Յուրաքանչյուր ուսանող, դասավանդող, աշխատող, լաբորատորիա ներկայացնում է իր տարվա գործունեության մանրամասն նկարագրությունը, հաշվետվությունները և արդյունքները: Տարեկան հաշվետվությունները հրապարակվում են Քոլեջի պաշտոնական կայքում և հասանելի են բոլոր շահագրգիռ կողմերին:

 Տարեկան հաշվետվությունները հաստատվում են կրթահամալիրի կառավարման խորհրդի կողմից:

ԿԱՐԾԻՔՆԵՐԻ և ԲՈՂՈՔՆԵՐԻ ԱՐՁԱԳԱՆՔՄԱՆ ՄԵԽԱՆԻԶՄՆԵՐ

Քոլեջում կիրառվում են առցանց հարթակներ կարծիքների հավաքման համար: Ուսանողները, աշխատակիցները կարող են անանուն կերպով ներկայացնել իրենց բողոքները, կարծիքները և առաջարկությունները, որոնք վերանայվում են սահմանված ժամկետներում (30 օր) հանձնաժողովի կողմից, տրվում համապատասխան լուծումներ:

Ներքին աուդիտների խումբը պարբերաբար ստուգում է Քոլեջի բոլոր գործընթացների համապատասխանությունը կանոնակարգերին: Աուդիտների արդյունքները ներկայացվում են ղեկավարությանը և հրապարակվում ներքին ցանցում:

Աշխատակիցների աշխատանքային գործունեությունը պարբերաբար ստուգվում է համապատասխան մասնախմբերի, կենտրոնների կողմից: Պարբերաբար իրականացվում են ներքին վերահսկողություններ՝ խախտումների հայտնաբերման և համապատասխան միջոցների ձեռնարկման համար: Հայտնաբերված խախտումների դեպքում կիրառվում են համապատասխան միջոցներ:

  Քոլեջը կարող է գնահատվել կրթական տեսչական մարմինների, անկախ կազմակերպությունների կողմից՝ թափանցիկության և որակի վերահսկման նպատակով: Գնահատումների արդյունքները հրապարակվում են՝ ներառելով առաջարկություններ:

 Քոլեջն ամեն տարի հրապարակում է տարեկան հաշվետվություն, որը ներառում է ֆինանսական և գործունեության արդյունքները: Այն հասանելի է բոլոր շահագրգիռ կողմերին և հրապարակվում է պաշտոնական կայքում:
  Քոլեջի պաշտոնական կայքը պարբերաբար թարմացվում է բոլոր կարևոր տեղեկատվություններով: Կայքում հրապարակվում են լուսաբանումներ,  գործունեության արդյունքներ, հաշվետվություններ:

Հաշվետվողականությունը ներառում է՝

• Ուսանողական առաջադիմության գնահատում: Քոլեջը պարբերաբար ներկայացնում է ուսանողների առաջադիմության և ավարտական ցուցանիշների գնահատականներ։
• Աշխատաշուկայում հաջողությունների հաշվետվություններ: Քոլեջը տրամադրում է տվյալներ ուսանողների աշխատաշուկայում հաջողությունների մասին, ներառյալ աշխատանքի տեղավորման և աշխատավարձի տվյալները։
•  Հետազոտական գործունեության գնահատում: Քոլեջը պարբերաբար երկայացնում է հետազոտական նախագծերի արդյունքների վերաբերյալ հաշվետվություններ՝ներառյալ հրապարակումները, դրամաշնորհները և հետազոտական աշխատանքի ազդեցությունը։
• Հոդվածներ և հրապարակումներ: Դասավանդողները, ուսանղները ներկայացնում են հոդվածներ, թարգմանություններ «Դպիր» էլեկտրոնային ամսագրում։
• Հեռավար ուսուցման հաշվետվություններ: Հեռավար ուսուցման կազմակերպման վերաբերյալ ուսանողները ներկայացնում են հաշվետվություններ:
• Տեխնոլոգիական ռեսուրսների օգտագործում: Տեխնոլոգիական ռեսուրսների օգտագործման վերաբերյալ հաշվետվությունները ներառում են տվյալներ համակարգիչների, լաբորատորիաների և այլ տեխնոլոգիական միջոցների օգտագործման վերաբերյալ։
• Բաց դռների օրեր և հասարակական միջոցառումներ: Քոլեջը կազմակերպում է բաց դռների օրեր, հանդիպումներ շահակիցների հետ, հասարակական միջոցառումներ և սեմինարներ՝ ապահովելու ուսումնական և հետազոտական գործունեության իրազեկվածությանը, թափանցիկությունը։
• Հասարակական հաշվետվություններ: Քոլեջը հրապարակում է ներառում են կրթական ծրագրերի, հետազոտական արդյունքների և ռեսուրսների օգտագործման մասին տեղեկությունները կայքում:
• Հետադարձ կապի մեխանիզմներ: Քոլեջը տրամադրում է ուսանողներին և դասավանդողներին հետադարձ կապի մեխանիզմներ՝ իրենց կարծիքները և առաջարկությունները ներկայացնելու համար։
• Թվային տեղեկատվություն: Քոլեջի կայքը և սոցիալական ցանցերի էջերը տրամադրում են թափանցիկ տեղեկատվություն կրթական ծրագրերի, հետազոտությունների և ռեսուրսների օգտագործման վերաբերյալ։
• Հասարակական քննարկման հարթակներ: Քոլեջը կազմակերպում է կլոր սեղան-քննարկումներ, հանդիպումներ, ներկայացումներ, քննարկումներ, հաշվետու միջոցառումներ, համերգներ, որտեղ ներկայացվում են հանրության տեղեկացվածությունն ու ներգրավվածությունը։