SWOT վերլուծություն

Քոլեջի՝ 2021թ. գործունեության հաշվետվություն

Մեթոդաբանություն՝ SWOT վերլուծություն
Ժամանակահատված: 2021թ. ամփոփում
Նպատակը՝ Ներքին վերլուծություն, գնահատում և ռազմավարական պլանավորում

2021թ․-ի SWOT վերլուծությունը հիմք է հանդիսացել ներքին վերլուծության և հետագա ռազմավարական անելիքների, որոշումներ կայացնելու համար։ 

Ուժեղ կողմեր

Քոլեջը մեծապես առանձնանում է իր ուժեղ կողմերով, որոնք հնարավորություն են տալիս արդյունավետորեն իրականացնել կրթական գործընթացը.

1. Հեղինակային մանկավարժության իրականացում և տարածում. քոլեջի դասավանդողները, մասնագետները և ուսանողները միաժամանակ հանդիսանում են ծրագրերի հեղինակներ։ Այս մոտեցումը զարգացնում է ստեղծագործական մտածողությունը և նորարարության մշակույթը։

2. Բազմաֆունկցիոնալ մեդիամիջավայրի առկայություն. մեդիագրադարանը, ձայնադարանը, տեսադարանը,  ցուցասրահները լայն հնարավորություններ են ընձեռում թե՛ ուսուցման, թե՛ կրթական ծրագրերի տարածման համար։

3. ՏՀՏ միջոցների հագեցվածություն. արդիական տեխնոլոգիաների առկայությունը նպաստում է ուսումնական գործընթացի արդյունավետության բարձրացմանը։

4. Հեռավար ուսուցման կազմակերպում. քոլեջն ընդլայնել է իր հնարավորությունները՝ առաջարկելով ուսուցման հարմարավետ և ճկուն ձևաչափեր։

5. Բազմալեզու մանկավարժական ամսագրում և բլոգային ուսուցման նախագծերի, մեթոդական մշակումների բազմազանություն, որոնք կարևոր դեր են խաղացել կրթության բազմազանության ապահովման, ինքնակրթության գործում։

Հիմնական ձեռքբերումներն են՝

1. Կրթական ծրագրերը բարելավվել են

2. Ընդլայնվել են մեդիագրադարանը և ՏՀՏ ռեսուրսները 

3. Վերսկսվել և իրականացվել են ուսումնական ճամփորդություններ և ճամբարներ

4. Ակտիվացել են մանկավարժների վերապատրաստման ծրագրերը: 

Թույլ կողմեր

Չնայած ձեռքբերումներին՝ քոլեջը բախվել է որոշ սահմանափակումների, որոնք խոչընդոտել են մեր ամբողջական ներուժի իրացմանը։ Դրանք են՝

•  Կորոնավիրուսի համավարակը

•  Տնտեսական անորոշությունները

Բացի այդ, արձանագրել ենք մի շարք թույլ կողմեր՝

1. Կրթական ծրագրերի վերաբերյալ իրազեկման պակաս. տեղեկատվական քարոզչության ոչ բավարարությունը, վերոնշյալ խորընդոտներով պայմանավորված, հանգեցրել է ուսանողների ներհոսքի դժվարությունների։

2. Ուսանողների փոքրաթվություն, ինչը սահմանափակել է կրթական ծրագրերի մասշտաբայնությունը և կայուն ֆինանսական հոսքերը։

3. Ֆինանսական ռեսուրսների սղություն, որը դանդաղեցրել է ենթակառուցվածքների բարելավումը, ինչպես նաև հետազոտական և նորարարական նախագծերի իրականացումը:

4. Հաշմանդամություն ունեցող անձանց (ԿԱՊԿՈւ) համար շենքային պայմանների ոչ բավարար հարմարեցվածություն, ինչը սահմանափակել է ներառական կրթության հնարավորությունները։

Հնարավորություններ

Քոլեջի առջև բացվում են մի շարք հեռանկարային հնարավորություններ, որոնք ճիշտ օգտագործելու դեպքում կարող են նպաստել կայուն զարգացմանը, ինչպես օրինակ՝

1. Նոր մասնագիտությունների և դասընթացների մշակում. աշխատաշուկայի պահանջարկին համահունչ՝ նոր ծրագրերի ներդրումը կբարձրացնի քոլեջի մրցունակությունը։

2. Միջազգային համագործակցությունների ընդլայնում. այս հնարավորությունը կօգնի ներգրավել արտասահմանյան փորձագետներ, նոր տեխնոլոգիաներ և ներդրումներ։

3. Տեխնոլոգիական ենթակառուցվածքների զարգացում. արդիական տեխնոլոգիաների ներդրումը կնպաստի կրթական գործընթացի որակի բարելավմանը։

4. Միջոցառումների և ցուցադրությունների միջոցով իրազեկման մակարդակի բարձրացում, ինչը կնպաստի քոլեջի բրենդի ամրապնդմանը և նոր ուսանողների ներգրավմանը։

5. Աշխատակազմի մասնագիտական որակների զարգացում. դասավանդողների շարունակական վերապատրաստումը թույլ կտա ապահովել որակյալ կրթություն։

Վտանգներ

Քոլեջի զարգացմանը խանգարել են մի շարք ներքին և արտաքին վտանգներ. ինչպես՝

1. Աշխատաշուկայի պահանջարկի նվազում որոշ մասնագիտությունների նկատմամբ, ինչը նվազեցրել է ծրագրերի գրավչությունը։

2. Կրթության պետական ֆինանսավորման կրճատում, որը բացասաբար է ազդել ծրագրերի և ենթակառուցվածքների վրա։

3. Կիբերանվտանգության սպառնալիքներ, որոնք  վտանգել են կրթական տեխնոլոգիական միջավայրը։

4.  Համաճարակը, տնտեսական ճգնաժամը խաթարել է կրթական գործընթացի կայունությունը։

Այս վտանգները կառավարելու համար անհրաժեշտ են կանխարգելիչ մեխանիզմներ և ճկուն ռազմավարություն, թույլ կողմերի հաղթահարման և վտանգների նվազեցման համար հստակ և նպատակային քայլեր: Առաջնային խնդիրներից են երիտասարդ մասնագետների պակասը, լաբորատորիաների և շենքային պայմանների ոչ լիարժեք վիճակը, ինչպես նաև կրթական ծրագրերի մասին իրազեկվածության ցածր մակարդակը։ Հատկապես կարևորում ենք ֆինանսական կայունության ապահովումը, նորարարությունների ներդրումը և միջազգային համագործակցության ընդլայնումը։ Քոլեջի ապագա զարգացումն ուղղված է լինելու ավելի ներառական, տեխնոլոգիապես զարգացած և միջազգային ճանաչում ունեցող կրթական հաստատություն դառնալուն։ Հաշվի առնելով առկա հնարավորություններն ու վտանգները՝ պետք է պատրաստ լինենք արագ արձագանքելու փոփոխություններին, բարելավելու իրազեկման մակարդակը, ապահովելու տեխնոլոգիական առաջընթացը, ավելացնելու ֆինանսական ռեսուրսների քանակը, բարձրացնելու կառավարչական կարողությունները, հաստատելու միջազգային գործընկերություն։ Տարվա ընթացքում իրականացված կրթական ծրագրերը, մեդիագրադարանի և ՏՀՏ ռեսուրսների ընդլայնումը, ինչպես նաև ուսումնական ճամփորդությունները, հստակ ցույց են տալիս հաստատության հաջողությունները։ Հաջորդ տարվա համար կենտրոնանալու ենք հետևյալ ուղղությունների վրա. 

• երիտասարդ մասնագետների ներգրավում,

•  լաբորատորիաների արդիականացում,

•  միջազգային համագործակցությունների ընդլայնում,

•  շենքային պայմանների վերանորոգում։