Հարցում 5

«Մխիթար Սեբաստացի» կրթահամալիրի քոլեջ

Հետազոտական և նախագծային ուսուցման վերաբերյալ հարցում ուսանողներից

Հարցման նպատակն է պարզել, թե ուսանողները ինչպես են կարողանում իրականացնել նախագծային և հետազոտական աշխատանքներ, ինչ խնդիրների են նրանք բախվում և ինչ առաջարկներ ունեն ուսուցման այս ձևերի կազմակերպման վերաբերյալ։

Հետազոտական և նախագծային ուսուցումը կարևոր դեր ունի ուսանողների մասնագիտական պատրաստության և հմտությունների զարգացման գործում:
Հարցումը կօգնի հասկանալ, թե ուսանողները ինչպես են ընկալում և գնահատում նախագծային, հետազոտական ուսուցման կազմակերպումը։

Տվյալային մաս

Վերլուծություն

Հարցմանը մասնակցել է 136 տարբեր մասնագիտություններով սովորող ուսանող, այդ թվում՝ Շուկայաբանություն, Զբոսաշրջություն, Համակարգչային գեղարվեստական նախագծում, Հագուստի մոդելավորում, Ոսկերչություն, Նախադպրոցական կրթություն, Հաշվողական տեխնիկա, Լուսանկարչություն և Գինեգործություն:

Խնդիրներ թվային սարքերի օգտագործման ժամանակ՝

• 84 ուսանող (61.8%) նշել է, որ բախվում է տեխնիկական խնդիրների (ինտերնետ, սարքավորումներ),

• 19 ուսանող (14%) նշել է, որ ունի կրթական հարթակներն օգտագործելու դժվարություններ, 

• 37 ուսանող (27.2%) նշել է, որ աչքերը հոգնում են էկրաններից:

Թվային ուսումնական նյութերի բավարարում.

• 73 ուսանող (53.7%) նշել է, որ հիմնականում բավարարված է թվային ուսումնական նյութերով, 

• 28 ուսանող (20.6%) նշել է, որ բավարարված չէ:

Մոտիվացիայի մակարդակը թվային սարքեր օգտագործելիս.

• 35 ուսանող (33.8%) նշել է, որ մոտիվացիան նույն մակարդակի վրա է,

• 46 ուսանող (25.7%)՝ մի քիչ ավելի բարձր,

• 41 ուսանող (8.1%)՝ շատ ավելի բարձր:

Նախագծային և հետազոտական աշխատանքների մասնակցություն.

• 122 ուսանող (89.7%) մասնակցել է նախագծային կամ հետազոտական աշխատանքների,

• 112 ուսանող (84.2%) իրականացրել է այդպիսի աշխատանքներ:

Քոլեջի աջակցությունը.

• 59 ուսանող (43.4%) նշել է, որ Քոլեջը լավ աջակցում է տրամադրում ուսանողի աշխատանքներին,

• 32 ուսանող (26.5%) նշել է, որ շատ լավ աջակցում է:

Հետազոտական և նախագծային ուսուցման դրական կողմերը. 

• 69 ուսանող (50.7%) նշել է, որ թիմում աշխատելու հնարավորություն է ունենում,

• 62 ուսանող (45.6%)՝ զարգացնում է քննադատական մտածողությունը,
  

  • 53 ուսանող (39%)՝ հանրային ելույթի փորձ են ձեռք բերում:

Եզրակացություն

Հետազոտության արդյունքները ցույց են տալիս, որ ուսանողները ընդհանուր առմամբ գոհ են հետազոտական և նախագծային ուսուցման մեթոդներից և  Քոլեջի կողմից տրվող աջակցությունից: Այնուամենայնիվ, կարևոր է ուշադրություն դարձնել տեխնիկական խնդիրներին և կրթական հարթակների օգտագործման դժվարություններին, որոնք կարող են խոչընդոտել ուսանողների արդյունավետ ուսուցմանը: Քոլեջի կողմից աջակցությունը բարձր է գնահատվում, սակայն կարիք կա ավելի խորը ուսումնասիրելու, թե ինչ հավելյալ միջոցներ կարելի է ձեռնարկել՝ ուսանողների հետազոտական և նախագծային աշխատանքներին աջակցման համար:

Ուսանողների կողմից առաջարկված առաջարկությունները կարող են նպաստել հետազոտական և նախագծային ուսուցման մեթոդների բարելավմանը և ուսանողների կրթական փորձի բարձրացմանը:

 Հարցման պատասխանատուներ՝  Մերի Խաչատրյան, Սուրիկ Համբարձումյան

Շուկայաբանություն մասնագիտության 2-րդ կուրսի ուսանողներ

Հարցումն իրականցվել է դեկտեմբերի 1-10-ն ընկած ժամանակահատվածում։