Կարիքների վերհանում
Հաստատված է Կրթահամալիրի տնօրենի
15․09․2023թ․ թիվ 23-1087 հրամանով
«ՄԽԻԹԱՐ ՍԵԲԱՍՏԱՑԻ» ԿՐԹԱՀԱՄԱԼԻՐԻ ՔՈԼԵՋ
ՈւՍԱՆՈՂՆԵՐԻ ՄԱՍՆԱԳԻՏԱԿԱՆ, ՖԻԶԻԿԱԿԱՆ ԵՎ ՀՈԳԵԲԱՆԱԿԱՆ ԿԱՐԻՔՆԵՐԻ ՎԵՐՀԱՆՈւՄ, ԳՆԱՀԱՏՈւՄ ԵՎ ԱՋԱԿՑՈւՄ
Փաստաթուղթն ապահովում է կրթության որակի բարձրացումը և արդյունավետությունը, ուսանողների մասնագիտական հմտությունների և կարողությունների առավելագույն կիրառությունը, որն իրականացվում է նաև ուսանողների կարիքների բացահայտման, ուսումնասիրման միջոցով, ինչի արդյունքում բացահայտվում են ուսանողների տարատեսակ կարիքները, և միջոցներ են ձեռնարկվում աջակցության համար։
Ուսանողները, դասավանդողները Քոլեջ են գալիս անհատական նեթբուք-նոթբուքով։ Քոլեջի շենքի ամբողջ տարածքով գործում է WI FI ծածկույթ։ Ուսանողներն առաջին կուրսից սպասարկում են իրենց անհատական բլոգները, ունեն կրթահամալիրի ցանցում գործող էլեկտրոնային հասցե, որը հնարավորություն է տալիս ազատ հարաբերվել դասավանդողների, մասնագետների, տնօրենի հետ և ցանկացած հարց բարձրացնել և պահանջել ցանկացած թեմայով քննարկում, պարզաբանում կամ այլ մոտեցում։
Քոլեջում իրականացվում են նաև հարցումներ, որոնք հնարավորություն են տալիս նաև ուսանողներին և ծնողներին նաև անանուն ներկայացնել իրենց հարցադրումները, անհանգստությունները, առաջարկները։
Քոլեջի շահակիցների կարիքների վերհանման մեխանիզմներ են`
Դասավանդողների, ուսումնաօժանդակ կազմի անդամների հետ հանդիպումները, մանկավարժական հավաքանիով, մասնախմբերով հանդիպուները, ամենօրյա պարբերականությամբ հանդիպումները ղեկավարի, կազմակերպչի հետ, նամակագրությունը, հարցումները։
Ուսումնական տարվա ընթացքում առնվազն երկու անգամ իրականացվում են հարցումներ առցանց եղանակով, ինչը հնարավորություն է տալիս ծնողին տնից մասնակցել հարցմանը։
Պարտադիր հարցման ժամանակահատված՝
Սեպտեմբեր
Մայիս
Ուսանողների կարիքների գնահատումը իրականացվում է հետևյալ
նպատակով՝
Քոլեջի և ուսանողների միջև կապի ամրապնդում,
Քոլեջի մշտական բարձր վարկանիշի ամրապնդում,
Քոլեջի ծառայությունների որակի շարունակական բարձրացում:
Ուսանողների կարիքների գնահատումը ներառում է`
Քոլեջի միջավայրից և մատուցվող ծառայություններից ուսանողների և
դասավանդողների անձնակազմի բավարարվածության գնահատումը:
Ուսանողների կարիքների ուսումնասիրման մեթոդներն են՝
գնահատումը,
հարցումները,
փաստաթղթերի ուսումնասիրությունը և այլն:
Ուսանողների կարիքների գնահատումը բաղկացած է հետևյալ փուլերից`
Կարիքների ստացում ուսանողներից
Տեղեկատվական աղբյուրների որոշում
Կարիքների, հուզող հարցերի, խնդիրների ուսումնասիրություն
Արդյունքների մշակում, տվյալների համակարգում, վերլուծություն
Գնահատման մեթոդների ընտրություն
Գնահատման համակարգի կիրառում
Կարիքների բավարարում
Աջակցության տրամադրում
Արդյունքների փաստում
Ուսանողների կարիքների գնահատման, աջակցության տրամադրման վերաբերյալ հաշվետվության կազմում
Այլ մեթոդների կիրառում