ლელა თვალაბეიშვილი
5/6/2024, 4:25:00 PM
Created By`
Ռինա Շագինյան
შთაბეჭდილებებით დახუნძლული დავბრუნდით ერევნიდან.
მონაწილეობა მივიღეთ მიხითარ სებასტაცის სახელობის სკოლაში გამართულ ეკოტურის კვირეულში.
სკოლა სწავლობს აშოტ ბლიანის საავტორო პროგრამით. მთელი დღის განმავლობაში ვიცხოვრეთ ამ სკოლის ცხოვრებით. დავესწარით ტაძარში სასკოლო გუნდის გალობას, წარმოგვიდგინეს პრეზენტაციები, ვნახეთ სამუშაო გარემო გაკვეთილებზე. აქვთ უამრავი არჩევითი საგანი და ეუფლებიან პატარაობიდანვე ხელოვნების სხვადასხვა დარგს. მოგვეწონა მათი აქტივობები, ვივარჯიშეთ და ვიცეკვეთ მათთან ერთად. სკოლის არც ერთ შენობას არ აქვს ღობე, კედლები შემინულია და მზის სინათლეა საღამომდე, რაც უსაზღვრო სილაღის და თავისუფლების შეგრძნებას ტოვებს.
მესამე კლასის მერე, დავალებები მხოლოდ ლეპტოპებში სრულდება. ყველა ბავშვს აქვს საკუთარი ბლოგი.
არ ირეკება ზარი, დროს თვითონ აკონტროლებენ, სამუშაოს დასრულების მიხედვით.
არ ჰყავთ მანდატურები.
კარი მუდამ ღიაა, მაგრამ არავის უჩნდება სურვილი დროზე ადრე სახლში წავიდეს.♥️
,,სკოლა კედლების გარეშე!
განათლება ფურცლის გარეშე! " ჩემი სკოლის დევიზი ვნახე ხორცშესხმული. #123სკოლარომელსაცუყვარხარ ♥️
მე, მათ გავაცანი თბილისის N123 საჯარო სკოლა ჩვენი სკოლის გამოცდილება, თუ როგორ ვარჩევთ პრიორიტეტულ თემას სასკოლო პროექტებისთვის და როგორ მუშაობენ სხვადასხვა საგნის მასწავლებლები მათზე სასწავლო წლის მანძილზე.
განვიხილე, 2023-2024 წლის პროექტი ,,ბუნება მბრძანებელია, იგივ მონაა თავისა", რომელიც ხორციელდება ხელმძღვანელობით.
პრეზენტაციამ დიდი ინტერესი გამოიწვია, ყურადღება გაამახვილეს მათთვის საინტერესო დეტალებზე, ვუპასუხე მათ კითხვებს.
ნატა თეთვაძემ და ლელა ზაქარეიშვილმა წარმოადგინეს პრეზენტაციები სვანეთსა და სამეგრელოზე. რის შემდეგაც პრეზენტაციის მსმენელებს დიდი სურვილი გაუჩნდათ ამ ლამაზ კუთხეებში მოგზაურობის.
დავსახეთ სამომავლო გეგმები. მათ აქვთ საზაფხულო და ზამთრის ბანაკები, სადაც დაპატიჟეს ჩვენი სკოლის მოსწავლეები. ისინიც დაგვპირდნენ რომ გვესტუმრებიან.
შევთანხმდით, რომ გავმართავთ ონლაინ პრეზენტაციებს და კონფერენციებს.
უღრმესი მადლობა მასპინძელი სკოლის მთელს კოლექტივს. განსაკუთრებული მადლობა ჩვენს მეგზურს, ამავე სკოლის ქართული ენისა და ლიტერატურის მასწავლებელს (ქართულ ენას მეორე უცხო ენად ირჩევენ) რინას Rina Shaginyan ♥️♥️♥️
,,განათლება საზღვრების გარეშე! " ♥️