• Հայերեն
  • English
  • Français
  • Georgian
  • Русский
  • Español
  • Deutsch
  • فارسی
  • Türkçe
  • Italiano

«Մխիթար Սեբաստացի» կրթահամալիրի սովորողի ուսումնառության պայմանագրի կնքման կարգ

«Մխիթար Սեբաստացի» կրթահամալիրի նախադպրոցական խմբի սանի, դպրոցի սովորողի, ուսանողի, ուսումնառության պայմանագիրը կնքում են՝

  •  համապատասխան մասնաճյուղի ղեկավարը և նախադպրոցական խմբի սանի, 1-4-րդ դասարանի սովորողի օրինական ներկայացուցիչը (ծնողը)՝ պայմանագրի կողմեր.
  • համապատասխան մասնաճյուղի ղեկավարը և 5-12-րդ դասարանի սովորողը՝ պայմանագրի կողմեր, նրա օրինական ներկայացուցիչը (ծնողը)՝ պայմանագրի երաշխավոր.
  • քոլեջի ղեկավարը և ուսանողը՝ պայմանագրի կողմեր։

Կրթահամալիրի խորհուրդը հաստատում է ուսումնառության պայմանագրի օրինակելի ձևը, որի հիման վրա կնքվում է սովորողի ուսումնառության անհատական պայմանագիր: 

Պայմանագիրը կնքելուց առաջ դպրոցի ղեկավարը պայմանագրի կողմին, երաշխավորին ներկայացնում է հեղինակային կրթական ծրագիրը, դրա կազմակերպման կարգերը, կրթահամալիրի ներքին կարգապահական կանոնները։

Սովորողի ուսումնառության պայմանագիրը կնքվում է ըստ տարիքային փուլերի՝

  • 2-5 տարեկաններ
  • 5 տարեկանների ուսուցում
  • 1-4-րդ դասարաններ
  • 5-8-րդ դասարաններ
  • 9-րդ դասարաններ
  • 10-12-րդ դասարաններ
  • քոլեջի կուրսեր, խմբեր:

Պայմանագիրը կնքվում է տարիքային փուլի նշված ժամանակահատվածի համար: Անհրաժեշտության դեպքում պայմանագրում փոփոխություններ են կատարվում, արվում են լրացումներ, որոնք պայմանագրի հավելված են:
Պայմանագիրը կնքվում է թղթային մեկ օրինակից, որը պահվում է դպրոցի գրասենյակում։ Պայմանագրի բոլոր էջերի վրա կողմերը ստորագրում են։ Պայմանագրի էլեկտրոնային պատճենն ուղարկվում է կողմին, երաշխավորին, հրապարակվում է դպրոցի էլեկտրոնային գրասենյակում։ 

Պայմանագիրը լուծվում է սահմանված կարգով։