• Հայերեն
  • English
  • Français
  • Georgian
  • Русский
  • Español
  • Deutsch
  • Türkçe
  • العربية
 

Ուսումնական աշխատանքի կազմակերպման կարգը Միջին դպրոցում

Ուսումնական  աշխատանքը Միջին դպրոցում կազմված է հետևյալ հիմնական բաղկացուցիչներից.

  • Դասարանական աշխատանք
  • Տնային աշխատանք` լրացուցիչ կրթություն, ինքնակրթություն

Դասարանական աշխատանք

Սա դասարանում, դպրոցում, կրթահամալիրի որևէ ուսումնական տարածքում կատարվող աշխատանքն է, որը պարտադիր է բոլոր սովորողների համար, և որի չկատարելու դեպքում սովորողը գնահատվում է անբավարար: Սա սովորողի կողմից արվող անհատական կամ խմբային աշխատանք է: Դասարանական աշխատանքի արդյունքում սովորողն ապահովում է պետական հանրակրթական չափորոշչի ներկայացրած պահանջները և գնահատվում է համապատասխան կարգով` ըստ իր ձեռք բերած կարողությունների, հմտությունների, գիտելիքի մակարդակի: Դասից բացակայող սովորողը դասարանական աշխատանքը կատարում է տանը` որպես հեռավար ուսուցում:

Դասավանդողը նախօրոք դասարանում կատարվելիք ուսումնական աշխատանքներն ըստ դասաժամերի հրապարակում է իր բլոգում: Դասարանում արվող գրավոր առաջադրանքները սովորողներն անում են Google drive-ի տարածքում  կամ իրենց բլոգում: Այս տարածքները տեսանելի են նաև սովորողի ծնողին: Դասարանում կատարվող աշխատանքը ստուգվում է կամ դասարանում` խմբային քննարկման միջոցով, անհատապես, կամ ուսուցչի` սովորողի վիրտուալ տարածքում արվող գրառումներով և ուղղորդումներով:

Տնային աշխատանք` լրացուցիչ կրթություն, ինքնակրթություն:

Սովորողի անհատական ուումնական պլանում նշվում են այն գործունեությունները, որոնցից սովորողը` ծնողի հետ համաձայնեցված, ցանկանում է ունենալ տնային հանձնարարություն`որպես լրացուցիչ կրթություն: Լրացուցիչ կրթության փաթեթում նախագծեր են, ոչ ստանդարտ խնդիրներ ու առաջադրանքներ, հետազոտական-ստեղծական աշխատանքներ: Լրացուցիչ կրթության տնային առաջադրանքներն ուղղված են սովորողի նախասիրությունների բավարարմանն ու զարգացմանը: Այս փաթեթը դասավանդողը նույնպես հրապարակում է նախօրոք: Իր առարկայից տնային առաջադրանքներ ստացած սովորողի հետ դասավանդողն աշխատում է առցանց և առկա` նշանակված խորհրդատվական օրերին և ժամերին: Ինչպես դասարանական աշխատանքները, այնպես էլ լրացուցիչ կրթության տնային հանձնարարությունները առանձին-առանձին գրանցում են ստանում գնահատման մատյանում և գնահատվում են:

 

Կարծիք

Կարծիք ավելացնել

mskh.am-ում լատինատառ հայերեն կարծիքը չի հրապարակվում։
CAPTCHA
Խնդրում եմ մուտքագրեք պատկերված կոդը
Image CAPTCHA
Enter the characters shown in the image.