• Հայերեն
  • English
  • Français
  • Georgian
  • Русский
  • Español
  • Deutsch
  • Türkçe
  • العربية
 

Աշխատողների բացակայությունների, նրանց փոխարինման կազմակերպման մասին

Բացակայության մասին աշխատողը կրթահամալիրի տնօրենին, իր անմիջական ղեկավարին և գրասնյակի ղեկավարին տեղեկացնում է նախօրոք` էլեկտրոնային փոստի միջոցով՝ նշելով բացակայելու պատճառը, ոչ հիվանդության պատճառով բացակայության դեպքում խնդրելով թույլտվություն: Առանց կրթահամալիրի տնօրենի կամ անմիջական ղեկավարի թույլտվության՝ բացակայությունը համարվում է անհարգելի։  Նախօրոք զգուշացման անհնարինության դեպքում անմիջական ղեկավարին կամ գրասենյակի ղեկավարին զգուշացնում է հեռախոսազանգով կամ անձամբ՝ հենց հնարավոր է դառնում, կրթահամալիրի տնօրենին և անմիջական ղեկավարին ներկայացնելով գրավոր բացատրություն։ Պարապմունքից անմիջապես առաջ, աշխատանքային օրը սկսելու ժամանակ կամ սկսելուց հետո արված տեղեկացումը գրանցվում է որպես արտակարգ պատահար։

Աշխատողի բացակայությունը գրասենյակի ղեկավարը գրանցում է մասնաճյուղի աշխատողների հաշվառման թերթիկում:
Բացակայող մանկավարժական աշխատողին փոխարինելու առաջարկը գրասենյակի ղեկավարը ներկայացնում և համաձայնեցնում է դպրոցի ղեկավարի, փոխարինող ուսուցչի հետ: Դպրոցի ղեկավարի որոշած կազմակերպմամբ դասավանդողը կարող է ուսումնական պարապմունքը վարել առցանց։
Փոխարինումը կատարվում է դպրոցի ղեկավարի հրամանով` համապատասխան գրանցում անելով հրամանագրքում, լրացում է կատարվում նաև դասացուցակում (նշվում է այն դասը, որը պարապվել է): Օրվա դասացուցակը ներկայացնում է իրական պարապած դասաժամերը:
Փոխարինումները և բաց թողած դասերը գրասենյակի ղեկավարը գրանցում է հատուկ մատյանում: Այդ մատյանում գրանցվում են նաև բաց թողած ժամերի գրացումները:
Ոչ մանկավարժական աշխատողի աշխատանքները վերաբաշխվում են մյուս ոչ մանկավարժական աշխատողների միջև. մանկավարժական աշխատողի համաձայնությամբ կարող են տրվել նրան՝ որպես լրացուցիչ աշխատանք

Կարծիք

Կարծիք ավելացնել

mskh.am-ում լատինատառ հայերեն կարծիքը չի հրապարակվում։
CAPTCHA
Խնդրում եմ մուտքագրեք պատկերված կոդը
Image CAPTCHA
Enter the characters shown in the image.